🛑बांदा- दाणोली रस्त्यावर गोवा बनावटी दारुसह जवळपास ११ लाखाचा मुद्देमाल जप्त.;राज्य उत्पादन शुल्क विभागची कारवाई.

🖋️लोकसंवाद /- बांदा.

राज्य उत्पादन शुल्क तपासणी नाका इन्सुली,ता.सावंतवाडी जि.सिंधुदुर्ग पथकाने बांदा ते दाणोली रस्त्यावर, बांदा-निमजगा जिल्हा परिषद पूर्व प्राथमिक शाळेसमोर,बांदा, ता. सावंतवाडी,जि. सिंधुदुर्ग येथे अवैधरित्या परराज्यातील मद्याची वाहतुक करताना चारचाकी वाहनासह अंदाजे.10,87,250/-रु. किंमतीचा मुद्देमाल जप्त केला.

मा.श्री. डॉ. राजेश देशमुख साहेब, आयुक्त, राज्य उत्पादन शुल्क, महाराष्ट्र राज्य मुंबई, मा.श्री.प्रसाद सुर्वे साहेब सह आयुक्त, अंमलबजावणी व दक्षता, राज्य उत्पादन शुल्क, महाराष्ट्र राज्य मुंबई, मा.श्री. विजय चिंचाळकर, विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर, मा.श्रीमती. किर्ती शेडगे, अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली निरीक्षक, राज्य उत्पादन शुल्क, तपासणी नाका इन्सुली पथकाने मिळालेल्या गोपनीय बातमीनुसार बांदा ते दाणोली रस्त्यावर, बांदा-निमजगा जिल्हा परिषद पूर्व प्राथमिक शाळेसमोर, बांदा, ता. सावंतवाडी, जि. सिंधुदुर्ग येथे दि.13/12/2025 रोजी सकाळी 06.45 वाजताचे सुमारास गोवा राज्यातून बांदा-दाणोली मार्गे आंबोलीच्या दिशेने जाणऱ्या संशयीत वाहनांची तपासणी करीत असताना स्कोडा कंपनीची पांढऱ्या रंगाची ऑक्टाविया चारचाकी वाहन क्र. MH-09-AN-500 ची तपासणी केली असता सदर चारचाकी वाहनाच्या मागील सिटच्या खालील बाजूस व वाहनाच्या डीकीमध्ये ठेवलेले गोवा बनावटीच्या विदेशी मद्याच्या विविध ग्रॅन्डच्या 504 सिलबंद बाटल्या अवैध मद्यसाठा मिळून आला. सदर प्रकरणी वाहन चालक नामे- प्रविण ईश्वरा जानवेकर, वय 50 वर्षे, रा. इचलकरंजी, ता. हातकणंगले जि. कोल्हापुर यास मुद्देमालासह ताब्यात घेण्यात आले. सदर गुन्ह्यामध्ये अंदाजे रु.2,87,250/- किंमतीचे मद्य व रु.8,00,000/- किंमतीचे चारचाकी वाहन असा एकुण अंदाजे रु. 10,87,250/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत गुन्हा नोंदविण्यात आला.

सदर कारवाई श्री. धंनजय साळुंखे, दुय्यम निरीक्षक, श्री. विवेक कदम, दुय्यम निरीक्षक, श्री. रणजीत शिंदे, जवान नि. वाहन चालक, श्री. दिपक वायदंडे, जवान, श्री. अभिषेक खत्री जवान, श्री. सतिश चौगुले, जवान, श्री. सागर सुर्यवंशी, जवान यांनी केली.सदर प्रकरणी पुढील तपास श्री. धंनजय साळुंखे, दुय्यम निरीक्षक तपासणी नाका इन्सुली हे करीत आहेत.