🛑निवडणुकीत घडलेल्या सर्व गोष्टींना पडदा पडला,महाराष्ट्रात महायुती मजबूत प्रदेशाध्यक्ष रवींद्र चव्हाण.

◼️केंद्रात आणि राज्यात आमच्या महायुतीचा सरकार आहे हे सरकार 2029 पर्यंत असाच काम करत राहणार..

🖋️लोकसंवाद /- सावंतवाडी.

स्थानिक स्वराज्य संस्थांच्या निवडणूकांत आरोप- प्रत्यारोप झाले हे साहजिकच आहे. मात्र, घडलेल्या काही गोष्टींवर पडदा टाकण्याचा निर्णय मुख्यमंत्री देवेंद्र फडणवीस, उपमुख्यमंत्री एकनाथ शिंदे व महायुतीतील नेत्यांशी चर्चा झाल्यानंतर झाला. महायुतीमध्ये आम्ही एकत्रित सत्तेत आहोत. २०२९ पर्यंत राज्यात व केंद्रात सरकार सुरळीतपणे चालावे अशी आमची धारणा आहे. अशी माहिती भाजपा प्रदेशाध्यक्ष रविंद्र चव्हाण यांनी आज शुक्रवारी सावंतवाडी येथे पत्रकार परिषदेत दिली. राज्यात देवेंद्र फडणवीस यांच्या नेतृत्वाखाली महायुतीचे सरकार गतीमान पद्धतीने काम करत आहे. वर्षभरात महाराष्ट्र सरकारने केलेल्या कामाचा आढावा देत महायुतीचे सरकार महाराष्ट्राला अधिक गतीमान करणार असल्याचा विश्वास श्री. चव्हाण यांनी व्यक्त केला.

कल्याण डोंबिवली व हा काही भाग संवेदनशील आहे. काही प्रवेश शिवसेनेकडून घेतले तसेच भाजपकडून घेतले. यावर चर्चा येणाऱ्या काळात होणार आहे. काही प्रवेशावर आक्षेप आहेत. मात्र, यावर वरिष्ठ मंडळी बसून चर्चा करणार आहे. यावर पडदा पडून आपापसातील लोकांचे प्रवेश घेऊ नये, असा निर्णय घेतला आहे. महाराष्ट्राला गतीमान करण्यासाठी आमचा प्रयत्न आहे अशी माहिती त्यांनी दिली.

ते पुढे म्हणाले, एक वर्ष राज्यातील सरकारला पूर्ण झाले आहे. शेतकऱ्यांच्या पाठीशी हे सरकार राहील. ३२ हजार कोटींची नुकसानभरपाई दिली गेली. ३७ हजार जलयुक्त शिवाराची कामे मार्गी लागली आहेत. शक्तीपीठ महामार्गासाठीही सरकारच्या माध्यमातून प्रयत्न आहे. महाराष्ट्राला प्रत्येक क्षेत्रात नंबर वन करण्यासाठी मुख्यमंत्री देवेंद्र फडणवीस यांचा प्रयत्न आहे. महिला सक्षमीकरणासाठी उमेदला ताकद देण्याचा निर्णयही सरकारने घेतला आहे. १ लाख ९ हजार ४४० कुटुंबांना नळजोडणी, आजारांचा योजनेत समावेश केला गेलाय. २०२९ पर्यंत महाराष्ट्राला अधिक गतीमान केले जाईल असा विश्वास त्यांनी व्यक्त केला.

यावेळी भाजप जिल्हाध्यक्ष प्रभाकर सावंत,युवराज्ञी श्रद्धाराजे भोंसले,युवराज लखमराजे भोंसले,युवानेते विशाल परब,मनिष दळवी,रणजीत देसाई,बबन साळगावकर,अॅड. अनिल निरवडेकर,माजी नगरसेवक मनोज नाईक आदींसह भाजपचे पदाधिकारी, कार्यकर्ते उपस्थित होते.