🛑बॅरिस्टर नाथ पै शिक्षण संस्थेमध्ये वंदे मातरम गीताचा 150 वा वर्धापन दिन साजरा.

🖋️लोकसंवाद /- कुडाळ.

वंदे मातरम या गीताला प्रकाशित होऊन 150 वर्षे पूर्ण झाली या पार्श्वभूमीवर वंदे मातरम दिनाचा 150 वा वर्धापन दिन 7 नोव्हेंबर रोजी भारतभर साजरा होतो आहे. या पार्श्वभूमीवर बॅरिस्टर नाथ पै शिक्षण संस्थेमध्ये वंदे मातरम या गीताचे सामूहिक गायन या कार्यक्रमाचे आयोजन करण्यात आलेले होते. या वेळेला प्राध्यापक अरुण मर्गज यानी वंदे मातरम गीताचा 150 वा वर्धापन दिन का आपण साजरा करतो आहोत?त्याच्या निर्मिती मागची, प्रकाशन मागची पार्श्वभूमी उपस्थितांना कथन केली. कारण बकीमचंद्र चटर्जी यांनी हे वंदे मातरम गीत 1870 मध्ये जरी लिहिले . तरी सुद्धा ते 7 नोव्हेंबर 1875 रोजी ‘वंगदर्शन’ या पत्रिकेत प्रसिद्ध झाले. या घटनेला आज 150 वर्ष पूर्ण झाली म्हणून या गीताचा 150 वा वर्धापन दिन म्हणून साजरा करण्यात येत आहे. याची उपस्थितांना माहिती दिली.

तर राजू राऊळ यानी भारत माते प्रति श्रद्धाभाव आणि देश प्रेम व्यक्त करण्याचा हा एक महामार्ग असणार राष्ट्रगीत त्याचं सर्वांनी पारायण करण्याच्या गरजेचे प्रतिपादन करून अशा उपक्रमाला आपण उपस्थित राहून शाश्वत देशभक्तीबद्दल,देश प्रेमाबद्दल निष्ठा व्यक्त केल्याबद्दल, राष्ट्र प्रथम या संकलेवरील श्रद्धा व्यक्त केल्याबद्दल सर्व उपस्थितांना त्यांना धन्यवाद दिले. त्या दृष्टीने केंद्र शासनाचा एक स्तुत्य उपक्रम असल्याचेही त्यांनी नोंदवत केंद्र शासनाचे आभार मानले..

या सदर उपक्रमाला देश प्रेमी नागरिक बॅरिस्टर नाथ पै शिक्षण संस्थेचे चेअरमन उमेश गाळवणकर, रणजीत देसाई, संध्या तेरसे, बंड्या उर्फ अनिल सावंत, रुपेश कानडे, राजू राऊळ, अरुणा देसाई,संजय वेंगुर्लेकर, श्रेया गवंडे, राजू गवंडे, अजय सावंत, अजय आकेरकर, किरण शिंदे, साधना माड्ये, अदिती सावंत, मुक्ती परब, प्रज्ञा राणे, मृणाल देसाई, विशाखा कुलकर्णी, प्रा.नितीन बाम्बर्डेकर बॅरिस्टर नाथ पै नर्सिंग महाविद्यालयाच्या प्राचार्य कल्पना भंडारी, सीबीएसई सेंट्रल स्कूलच्या प्राचार्य चैताली बांदेकर, बॅरिस्टर नाथ पै बी.एड कॉलेजची प्राचार्य परेश धावडे, नाथपये ज्युनिअर कॉलेजचे प्र. प्राचार्य मंदार जोशी, बॅरिस्टर नाथ पै फिजिओथेरपीचे प्राचार्य डॉक्टर प्रत्युष रंजन बिस्वाल, प्रा. वैशाली ओटवणेकर व त्यांचे सहकारी, विद्यार्थी, अन्य देशप्रेमी नागरिक बहुसंख्येने उपस्थित होते.