🛑जयराम वायंगणकर यांची सिंधुदुर्ग ज़िल्हा भंडारी सहकारी पथ संस्थेच्या चेअरमन पदी निवड.

🖋️लोकसंवाद /- वेंगुर्ला.

भंडारी समाज ऐक्यवर्धक मंडळाचे संचालक श्री जयराम वायंगणकर यांची सिंधुदुर्ग ज़िल्हा भंडारी सहकारी पथ संस्थेच्या चेअरमन पदी निवड झाल्याबद्दल सिंधुदुर्ग जिल्हा भंडारी महासंघाचे माजी अध्यक्ष श्री रमण वायंगणकर पुष्पगुछ देऊन अभिनंदन केले.यावेळी भंडारी समाज ऐक्यवर्धक मंडळाचे तालुका सरचिटणीस डॉ आनंद बांदेकर, व्हॉईस चेअरमन सौ अंकिता बांदेकर, निवडणूक निर्णय अधिकारी श्री साळगावकर, श्री रमेश नार्वेकर, प्रकाश गडेकर,निलेश चमणकर श्रीकृष्ण पेडणेकर, नंदन वेंगुर्लेकर, दीपक पडवळ, पथ संस्थेच्या सचिव सौ अनिता रेडकर वगैरे समाज बांधव उपस्थित होते. यावेळी रमण वायंगणकर म्हणाले की सिंधुदुर्ग ज़िल्हा भंडारी सहकारी पथ संस्था ही 1994 साली स्थापन झालेली असून स्थापने पासून बरीच वर्षे आपले वडील कै शंकरराव वायंगणकर आणि इतर बऱ्याच मंडळींनी एकत्र येऊन समाजाच्या उद्धारासाठी ही पथ संस्था स्थापन केलेली होती. काही वर्षे आपले वडील या पथ संस्थेचे चेअरमन होते. बऱ्याच वर्षानंतर ही संधी जयराम ला मिळालेली आहें. या संधीचे सोने करण्यासाठी आणि पथ संस्थेला उर्जितावस्था आणण्यासाठी सर्व संचालकानी एकत्रित पणे काम करावे तसेच एकमेकातील हेवेदावे बाजूला ठेवून पथ संस्थेला आपला वेळ देऊन पथ संस्थेचा वाढ विस्तार करावा व तालुक्यातील एक अग्रणी पथ संस्था म्हणून नावारूपाला आणावी. यावेळी तालुका सरचिटणीस डॉ आनंद बांदेकर म्हणाले की श्री जयराम वायंगणकर यांची एकमताने पथ संस्थेच्या chairman पदी निवड केल्याबद्दल सर्व संचालकांचे अभिनंदन केले. व अशाच पद्धतीची एकजूट दाखवून पथ संस्था नावारूपाला आणावी कारण ही पथ संस्था सर्व समाज बांधवाची आहें, या पथ संस्थे मध्ये सभासद वाढवा, जास्तीत जास्त ठेवी वाढवा यासाठी आपण एकत्रित पणे सर्व तालुक्यातील समाज बांधवा पर्यंत पोहोचण्याची जबाबदारी आपणा सर्वांची आहें. सर्वानी एकत्रित रित्या जर पथ संस्थेच्या वाढीसाठी प्रयत्न केल्यास यश नक्की मिळेल असे आवाहन केले यावेळी सर्व संचालक, पथ संस्था कर्मचारी व समाज बांधव उपस्थित होते.