🛑साई कला क्रीडा मित्रा मंडळ आणि भाजप नगरसेविका सौ.श्रेया शेखर गवंडे पुरस्कृत 10 वी व 12 वी गुणगौरव सोहळा संपन्न.

🖋️लोकसंवाद /- कुडाळ.

10 वी 12 वी बोर्डाची परीक्षा उत्तीर्ण झाल्यानंतर या गुणवंत विद्यार्थ्यांची पाठ थोपटणे आवश्यक असते. त्यांना पुढील भविष्यासाठी प्रोत्साहन देणे महत्वाचे असते.आणि हे काम गेली कित्येक वर्षे नाबरवाडी येथील साई कला क्रीडा मंडळ नाबरवाडी आणि नगरसेविका सौ. श्रेया शेखर गवंडे यांच्या माध्यमातून नाबरवाडी प्रभागातील विद्यार्थ्यांना सन्मान देण्याचे काम होतं आहे. तसाच तो यावर्षीही साई कला क्रीडा मित्रा मंडळ व नगरसेविका सौ. श्रेया शेखर गवंडे पुरस्कृत 10 वी व 12 वी यांचा गुणगौरव पुरस्कार सोहळा रविवार 22 जून रोजी संपन्न झाला. नाबरवाडी प्रभागातील सर्वच गुणवंत उत्तीर्ण विद्यार्थ्यांना पुष्प, ट्रॉफी आणि एक भेटवस्तू या स्वरुपात भेट देऊन गौरविण्यात आले. या वर्षी उत्तीर्ण होणारे 25 विद्यार्थी होते.
कार्यक्रमाचे सूत्रसंचालन श्री. श्रीराम काजरेकर यांनी केले.

कार्यक्रमाचे अध्यक्षस्थान कुडाळ येथील उद्योजक श्री. शशिकांत चव्हाण यांनी भूषवीले. श्री. विलास परब सर, श्री. प्रशांत प्रभू, नाथ पै विद्यालयाचे मुख्याध्यापक श्री. प्रेमदास राठोड, उद्योजक श्री. आनंद वालावलकर, सिंधुदुर्ग बँकेचे मॅनेजर श्री अमोल शिंदे हे प्रमुख पाहुणे म्हणून उपस्थित होते. सर्वानी विद्यार्थ्यांना पुढील यशस्वी भविष्यासाठी मार्गदर्शन केले. पुढे उद्योगात कसे उतरावे, मुलांनी स्वतः आपले क्षेत्र कसे निवडावे पालकांचे मार्गदर्शन घ्यायला हवे. पालकांनी मुलाच्या आवडीला प्रोत्साहन द्यावे. योग च्या माध्यमातून मानसिक आणि शारीरिक विकास कसा करावा. बँकेतून मुलांना शैक्षणिक कर्ज कसे उपलब्ध आहे याची माहिती व आपली स्वप्न कशी पूर्ण करावीत याचे उत्तम मार्गदर्शन करण्यात आले.

विद्यार्थ्यामधून कु. गायत्री शिंदे यांनी आपले विचार मांडले.
नगरसेविका सौ. श्रेया शेखर गवंडे यांनी विद्यार्थ्यांचे आणि पालकांचे अभिनंदन करत पुढे यशस्वी होण्यासाठी मोठी स्वप्न बघण्याचे आणि त्यांदृष्टीने मेहनत करून स्वप्न कशी पूर्ण करावीत याचे मार्गदर्शन केले आणि सर्वांचे आभार मानले.
कार्यक्रमाला श्री. राजू बक्षी, श्री. मिलिंद देसाई, सौ. विशाखा कुलकर्णी, श्री. राजाराम तोरस्कर सर, सौ. वैष्णवी खानोलकर, सौ. नेहा मडकईकर, सौ. रंजना कांबळी, सौ. प्रणाली गवंडे,श्री. मंगेश कांबळी, प्रथमेश राऊळ, धनंजय परब, साईश नाबर, समीर गवंडे, विनायक पाटील, विद्यार्थी आणी पालकवर्ग व नाबरवाडीतील रहिवासी, मंडळाचे सदस्य उपस्थित होते. साई कला क्रीडा मित्र मंडळाचे अध्यक्ष श्री राजू गवंडे आणि सर्व सदस्य यांच्या उत्तम नियोजनमुळे कार्यक्रम यशस्वी झाला.