🛑दुर्ग मावळा प्रतिष्ठान व मालवणी मित्र मंडळ सिंधुदुर्ग मार्फत साळगाव, नेरूर आणि कुडाळ येथे स्पर्धा परिक्षा कट्टा स्थापन.

🖋️लोकसंवाद /- कुडाळ.

सिंधुदुर्ग जिल्ह्यात स्पर्धा परीक्षेबाबत जाणीवजागृती व्हावी तसेच स्पर्धा परीक्षेची तयारी करणाऱ्या मुलांना स्पर्धा परिक्षा पुस्तके उपलब्ध व्हावीत या उद्देशाने दुर्ग मावळा प्रतिष्ठान व मालवणी मित्र मंडळ सिंधुदुर्ग यांच्या संयुक्त विद्यमानाने साळगाव, नेरूर आणि कुडाळ येथे स्पर्धा परिक्षा कट्टा स्थापन करण्यात आलेला आहे.

या स्पर्धा परिक्षा कट्टा अंतर्गत स्पर्धा परिक्षा अभ्यास करणाऱ्या विद्यार्थ्याच्या समूहाला आवश्यक स्पर्धा परीक्षा पुस्तके उपलब्ध करून देण्यात आलेलेली आहेत. यापूर्वी दुकानवाड, घावानळे व पेंडूर खरारे या ठिकाणी असे स्पर्धा परिक्षा कट्टे स्थापन करण्यात आलेले आहेत.

या स्पर्धा परिक्षा कट्टा च्या पुस्तकांसाठी रामचंद्र निलकंठ धुरी आणि मालवणी मित्र मंडळ सिंधुदुर्ग यांनी सहकार्य केलेले आहे. सदर ठिकाणच्या परिसरातील स्पर्धा परिक्षा अभ्यास करणाऱ्या मुलांनी या कट्ट्याचा लाभ घ्यावा असे आवाहन दुर्ग मावळा प्रतिष्ठान व मालवणी मित्र मंडळ सिंधुदुर्गच्या वतीने करण्यात आलेले आहे. अधिक माहितीसाठी गणेश नाईक ९८६०२५२८२५ यांच्याशी संपर्क साधा.