🛑शितल परुळेकर यांना आदर्श शिक्षक पुरस्कार.

🖋️लोकसंवाद /- मसुरे.

मालवण तालुक्यात 19 वर्षे कार्यरत असलेल्या शितल
परुळेकर यांना सिंधुदुर्ग जिल्हा परिषदेचा आदर्श शिक्षक पुरस्कार सिंधुदुर्ग जिल्ह्याचे पालकमंत्री मा.नितेशजी राणे यांच्या हस्ते 1 मे रोजी वितरित करण्यात आला आहे. या कार्यक्रमाला जिल्हाधिकारी मा अनिल पाटील,शिक्षणाधिकारी डॉ कमळकर व अन्य मान्यवर उपस्थित होते.
सिंधुदुर्ग जिल्ह्यातील मालवण तालुक्यातून उपक्रमशील, उच्च विद्याविभूषित, अभ्यासू व प्रतिभासंपन्न शिक्षिका तथा मुख्याध्यापिका शितल परुळेकर यांची निवड करण्यात आली. त्यांनी गेली सतरा वर्षे मालवण तालुक्यातील काळसे बागवाडी शाळेत मुख्याध्यापक म्हणून गुणवत्ता व लोकसहभाग यासाठी उत्कृष्ट व आदर्श काम केले. त्यानंतर 1 वर्ष पेंडूर खरारे शाळेत ए पी जे अब्दुल कलाम प्रज्ञाशोध परीक्षा, ज्ञानी मी होणार उपक्रमाद्वारे शाळेने जिल्हास्तरीय यश संपादन केले. सध्या त्या बदलीने आंबोली कामतवाडी शाळेत शिक्षणसेवा देत आहेत. त्यांनी विविध स्पर्धा परीक्षा व स्कॉलरशिप परीक्षांमध्ये मुलांना भरघोस मार्गदर्शन करून जिल्हा व राज्यस्तरावर यश प्राप्त करून दिले आहे. त्यांनी अनेक जिल्हा,राज्य व राष्ट्रीय पुरस्कार संपादित केले आहेत. त्यांनी लोकसहभागातून १० लाख रूपये खर्चुन सिंधुदुर्ग जिल्ह्यातील पहिली डिजीटल शाळा काळसे बागवाडा व तिसरी आयएसओ मानांकित शाळा करण्याचा मान मिळविला. त्यांच्या या यशाबद्दल सर्व शिक्षक ,पालक व ग्रामस्थांतून कौतुक होत आहे. तसेच शिक्षक भारती संघटनेचे अध्यक्ष श्री संतोष पाताडे ,महाराष्ट्र शिक्षक परिषदेचे अध्यक्ष गणेश नाईक,कुडाळ शिक्षक भारती अध्यक्ष विनेश जाधव यांनी अभिनंदन केले.