🛑सावंतवाडी बसस्थानकातील बंद दूरध्वनीमुळे प्रवाशांची गैरसोय.

🖋️लोकसंवाद /- सावंतवाडी.

सावंतवाडी एसटी बसस्थानकातील दूरध्वनी नादुरुस्त झाल्याने प्रवासी वर्गाचे प्रचंड हाल होत आहेत. प्रवाशांना गाडीच्या वेळेची चौकशी करायची झाल्यास फोनच नादुरुस्त असल्याने अनेक अडचणींचा सामना करावा लागत आहे. याबाबत प्रवाशांनी नियंत्रण कक्षाशी संपर्क साधला असता समजले की, याबाबत बीएसएनएल कार्यालयामध्ये १५ दिवसांपूवी तक्रार देण्यात आलेली आहे. त्यांनी अजूनपर्यत फोन दुरुस्त केलेला नाही.

दरम्यान, दूरसंचार विभागाच्या आणि महाराष्ट्र राज्य परिवहन महामंडळाच्या भोंगळ कारभाराचा फटका येथील प्रवाशांना बसत आहे. सावंतवाडी एसटी बसस्थानकातील लँडलाईन फोन लवकरात लवकर दुरुस्त करुन प्रवासी वर्गाला दिलासा द्यावा, अशी मागणी प्रवासी वर्गातून करण्यात येत आहे.