🛑मोपाची अनेक डोमॅस्टिक उड्डाणे चिपीवरून होणार अनेक इंटरनॅशनल विमाने चिपीवर विश्रांती घेणार.

🖋️लोकसंवाद /- सिंधुदुर्ग.

मोठा गाजावाजा करीत सुरु केलेल्या व अल्पावधीत घरघर लागलेल्या चिपी विमानतळाला गुन्हा एकदा उर्जितावस्था देण्यासाठी आता गोव्याच्या मोपा आंतरराष्ट्रीय विमानतळाने मदतीचा हात पुढे केला आहे. गोव्यावरचा वाढता लोड कमी करण्यासाठी या विमानतळ प्राधिकरणाने चिपी विमानतळ दत्तक घेतले असून लवकरच या विमानतळावरून विमानांचे उड्डाण सुरू करायचा निर्णय घेतल्याचे वृत्त आहे.

मोठा गाजावाजा करून सुरू केलेले चिपी विमानतळ भविष्यात आणखी नावारुपास येईल आणि यातून जिल्ह्याचे पर्यटन गोव्यासारखे बहरेल, असं वाटलं होतं. तमाम सिंधुदुर्गवासीयांचं ते स्वप्न होतं. परंतु अवघ्या दोन वर्षांत हे स्वप्न

हवेत विरलं. अनियमित विमान उड्डाणांमुळे प्रवाशांनी या विमानतळाचा नादच सोडून दिला. मुंबईतून चिपीला निघालेले विमान ते चिपीवर उत्तरेपर्यंत ते उतरेल की नाही याची शाश्वती नसायची. अचानकपणे उड्डाणे रद्द करणे यामुळे तर हे विमानतळ अधिकच बदनाम झाले होते. हळूहळू तर या विमानतळावरील विमानसेवाही बंद पडली. एकंदर ही वाईट परिस्थिती पाहून अखेर गोवा राज्याने सिंधुदुर्गच्या या विमानतळाला

मदतीचा हात देण्याचा निर्णय घेतला आहे. त्यामुळे येत्या काही दिवसात अनेक आंतरराज्य उड्डाणे या विमानतळावरून नियमितपणे सुरु होणार असल्याची माहिती हाती आली आहे. – सध्या गोव्याच्या मोपा विमानतळावर उड्डाणाचा लोड दिवसेंदिवस वाढू लागला असून, हा लोड कमी करण्यासाठी गोवा विमानतळ प्राधिकरणने हा प्रस्ताव महाराष्ट्र शासनाला पाठवला आहे. महाराष्ट्र शासनाने फायद्याचा हा प्रस्ताव त्वरित स्वीकारला असून, आता सिंधुदुर्गवासीयांना मुंबई, दिल्ली, बेंगलोर, हैद्राबाद येथे जाण्यासाठी चिपीवरून अनेक विमाने उपलब्ध होणार आहेत. त्यामुळे आता विमान प्रवासासाठी गोव्याला धाव घेण्याची गरज पडणार नाही. सिंधुदुर्गवासीयांनी याबद्दल आनंद व्यक्त केला आहे.