🛑जुना पत्रादेवी-बांदा रोड वर गोवा बनावटी दारुसह सोळा लाख विस हजाराचा मुद्देमाल जप्त.;उत्पादन शुल्क विभागाची कारवाई.

✍🏼लोकसंवाद /- बांदा.

राज्य उत्पादन शुल्क तपासणी नाका इन्सुली या पथकाने जुना पत्रादेवी-बांदा रोड वर पंजाबी फॅमीली ढाब्याजवळ बांदा येथे अवैधरित्या परराज्यातील मद्याची वाहतुक करतांना चारचाकी वाहनासह अंदाजे.16,20,840/- रु. किंमतीचा मुद्देमाल जप्त केला.

मा.श्री. मनोज शेवरे साहेब,अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली निरीक्षक, राज्य उत्पादन शुल्क, तपासणी नाका इन्सुली पथकाने मिळालेल्या गोपनीय बातमीनुसार जुना पत्रादेवी-बांदा रोड, पंजाबी फॅमीली ढाब्याजवळ, बांदा, ता. सावंतवाडी, जि. सिंधुदुर्ग येथे दि.05/12/2024 रोजी 21.10 वाजताच्या दरम्यान अवैध मद्य वाहतुकीच्या संशयीत वाहनांची तपासणी करीत असताना सफेद रंगाचे क्रेटा चारचाकी वाहन क्र. MH-08-BE-0081 या वाहनाची तपासणी केली असता सदर चारचाकी वाहनाच्या पाठीमागील सीटवर व डिकीमध्ये गोवा बनावटीच्या विदेशी मद्याच्या विविध ग्रॅन्डचे 80 बॉक्स (3768 बाटल्या) अवैध मद्यसाठा मिळून आला. सदर प्रकरणी वाहन चालक शुभम शिवप्रसाद शितोळे, वय 27 वर्षे, रा. सावंतवाडी, जि. सिंधुदुर्ग यास मुद्देमालासह ताब्यात घेण्यात आले. सदर गुन्ह्यामध्ये अं.रु.4,20,840/- किंमतीचे मद्य व रु.12,00,000/- किंमतीचे चारचाकी वाहन असा एकुण अं. रु.16,20,840/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत गुन्हा नोंदविण्यात आला.

सदर कारवाई श्री. भानुदास खडके, निरीक्षक, श्री. प्रदीप रास्कर, दुय्यम निरीक्षक, श्री.विवेक कदम, दुय्यम निरीक्षक, श्री. रणजीत शिंदे, जवान नि. वाहन चालक, श्री. दिपक वायदंडे, जवान, श्री. सतिश चौगुले, जवान, श्री. सागर सुर्यवंशी, जवान, श्री. अभिषेक खत्री, जवान यांनी केली.सदर प्रकरणी पुढील तपास श्री. प्रदीप रास्कर, दुय्यम निरीक्षक तपासणी नाका इन्सुली हे करीत आहेत.