🛑लढणार आणि जिंकणारच! :विशाल परब अपक्ष उमेदवार.

▪️विशाल परब यांनी अर्ज मागे घेण्याच्या अफवांना दिला पूर्णविराम..

✍🏼लोकसंवाद /- सावंतवाडी.

जनतेच्या अपेक्षापूर्तीची आज सुरुवात झाली आहे! ही निवडणूक लढवण्यामागे माझा कसलाही स्वार्थ नाही, पण रोजगार, आरोग्य, क्रीडा अशा सर्वच क्षेत्रात जनतेला उपेक्षित ठेवत चाललेला कारभार सावंतवाडी विधानसभा मतदारसंघातील जनतेला नको आहे.त्यांचा प्रतिनिधी म्हणून प्रत्येक दबावाशी झुंजत माझा अर्ज मी कायम ठेवत आहे.असे प्रतिपादन अपक्ष उमेदवार व युवा नेते विशाल परब यांनी सावंतवाडी येथे केले.गोरगरीब जनतेवर दबाव आणण्यासाठी इंद्रदेवाने गोकुळनगरी बुडवण्यासाठी अतिवृष्टी केली, तेव्हा भगवान श्रीकृष्णानी गोवर्धन उचलत अन्यायाविरुद्ध लढण्याचा संदेश दिला. तोच इतिहास पुन्हा घडेल! इथली गोरगरीब जनता आपल्या हक्कासाठी पुन्हा एकदा अशक्य वाटणारा विजयाचा गोवर्धन उचलेल आणि आजवरची सावंतवाडी विधानसभा मतदारसंघाला उपेक्षित ठेवणारी प्रस्थापित राजकीय गणिते उध्वस्त करेल.असेही ते म्हणाले,यापुढे माझे काहीही झाले तरी ते जनतेसाठी मी निवडणूक लढवणारच ! विजय पराजय माझ्यासाठी महत्त्वाचा नाही,महत्त्वाचे आहे जनतेशी जपलेले विश्वासाचे नाते आणि वचनपूर्तीची सुरुवात!! असे श्री. परब यांनी स्पष्ट केले.