सिंधुदुर्ग जिल्ह्या पोस्ट विभागात आउट साईडर म्हणून काम करणाऱ्या कर्मचाऱ्यांच थकलेले वेतन गणेश चतुर्थी पूर्वी मिळावे.

महाराष्ट्र नवनिर्माण सेनेचे डाक अधीक्षक यांना निवेदन.

लोकसंवाद /- कुडाळ.

पोस्टाच्या सिंधुदुर्ग जिल्ह्यातील सर्वच कार्यालयांमध्ये येथील स्थानिक मुलांना तात्पुरत्या स्वरूपात आऊट साईडर म्हणून नियुक्त केले आहे. या आऊसाइडर मुलांना गेल्या चार-पाच महिन्यापासूचे वेतन अध्याप मिळालेले नाही. यासंदर्भात आज महाराष्ट्रात निर्माण सेने मार्फत उपजिल्हाध्यक्ष कुणाल किनळेकर यांनी जिल्ह्याचे डाक अधीक्षक मयुरेश कोल्हे यांची भेट घेऊन आऊटसाईडर म्हणून काम करणाऱ्या मुलांना गणेश चतुर्थी पुर्वी पगार मिळावा यासाठी निवेदन दिले. यावेळी सोबत तालुकाध्यक्ष हेमंत जाधव, माजी विभाग अध्यक्ष अविनाश अणावकर,विद्यार्थी सेना तालुकाध्यक्ष यतिन माजगावकर, महाराष्ट्र सैनिक अक्षय जोशी उपस्थित होते. यावेळी डाक अधीक्षक यांनीसुद्धा सकारात्मक प्रतिसाद देत आपल्याकडून आजच आपल्या वरिष्ठ कार्यालयाकडे पाठपुरावा करून लवकरात लवकर रखडलेले वेतन मिळवून देण्याचे आश्वासन दिले.