🛑महिलेचा विनयभंग केल्याच्या आरोपातून सर्व आरोपींची निर्दोष मुक्तता: आरोपीं तर्फे ॲड विवेक मांडकुलकर यांचा यशस्वी युक्तिवाद.

✍🏼लोकसंवाद /- कुडाळ.

महिलेचा विनयभंग केल्याच्या आरोपातून संशयित आरोपी सर्वेश सतीश भोगटे,सतीश श्रीरंग भोगटे, विकास विजय भोगटे, विशाल विजय भोगटे सर्व रा.पावशी यांची कुडाळ येथील मे.प्रथमवर्ग न्यायदंडाधिकारी साहेब पी.आर.ढोरे यांनी सबळ पुराव्याअभावी निर्दोष मुक्तता केली. आरोपीं तर्फे ॲड विवेक मांडकुलकर, ॲड प्रणाली मोरे यांनी काम पाहिले. तसेच ॲड भुवनेश प्रभुखानोलकर, ॲड वृषांग जाधव यांचे सहकार्य लाभले.

दिनांक २६/०४/२०२० रोजी फिर्यादी महिला शेतातील कामे आटोपून घरी येत असताना आरोपींनी शिवीगाळ केली, तसेच मनात लज्जा उत्पन्न होईल असे वर्तन केले अशी फिर्याद कुडाळ पोलीस ठाणे येथे देण्यात आली होते. त्यानुसार आरोपीं विरुद्ध भा.दं.वि कलम ३५४, ५०४,५०९ सह ३४ अंतर्गत गुन्हा दाखल करण्यात आला होता. सदर कामी सरकार पक्षातर्फे एकूण ५ साक्षीदार तपासण्यात आले. साक्षीदारांच्या जबाबातील विसंगती तसेच आरोपी तर्फे ॲड विवेक मांडकुलकर यांचा युक्तिवाद ग्राह्य मानून कुडाळ येथील मे प्रथमवर्ग न्यायदंडाधिकारी श्री पी आर ढोरे यांनी सर्व आरोपींची सबळ पुराव्याअभावी निर्दोष मुक्तता केली.