🛑राणेंचा विजय केल्याशिवाय मनसैनिक स्वस्थ बसणार नाहीत.;मनसे अविनाश जाधव.

▪️हुंबरट येथे मनसेच्या पदाधिकारी व कार्यकर्त्यांची बैठक संपन्न..

✍🏼लोकसंवाद /- कणकवली.

रत्नागिरी-सिंधुदुर्ग लोकसभा मतदारसंघातील महायुतीचे उमेदवार नारायण राणे यांना विजयी करण्यासाठी मनसैनिक काम करणार आहेत. या मतदारसंघातून विनायक राऊत यांचा पराभव केल्याशिवाय मनसैनिक स्वस्थ बसणार नाहीत. मनसैनिक अापला घरचा उमेदवार म्हणून राणेंचा प्रचार करतील, अशी ग्वाही मनसेचे नेते तथा ठाणे, पालघर जिल्ह्याचे जिल्हाध्यक्ष अविनाश जाधव यांनी दिली. दरम्यान, या बैठकीला आमदार नीतेश राणे यांनी उपस्थिती दर्शवून मार्गदर्शन करताना, रत्नागिरी-सिंधुदुर्ग लोकसभा मतदारसंघातून महायुतीचे उमेदवार केंद्रीयमंत्री नारायण राणे यांनी विक्रमी मताधिक्यांनी विजयी करण्यासाठी महायुतीतील घटक पक्षांतील पदाधिकारी व कार्यकर्त्यांनी एकमेकांच्या खाद्याला खांदा लावून काम करावे असे सांगितले.हुंरबट येथील सावली हॉटेलमध्ये मनसेच्या पदाधिकारी व कार्यकर्त्यांचा बैठकीत श्री. जाधव बोलत होते. यावेळी मनसेचे नेते शिरीष सावंत, मनसेचे सरचिटणीस संदीप दळवी, मनसेच्या कामगार संघटनेचे नेते गजानन राणे, संपर्कप्रमुख संतोष शिगांडे, महिला जिल्हाध्यक्ष मोनिका फर्नांडिस, सावंतवाडी मतदारसंघाचे प्रमुख अनिल केसरकर, मनसेच्या एसटी कामगार संघटनेचे नेते बनी नाडकर्णी, कुडाळ-मालवण मतदारसंघाचे प्रमुख धीरज परब, माजी उपजिल्हाध्यक्ष दया मेस्त्री आदी उपस्थित होते.

अविनाश जाधव म्हणाले,रत्नागिरी-सिंधुदुर्ग लोकसभा मतदारसंघातून महायुतीचे उमेदवार विजय होण्यासाठी मनसैनिकांनी कामाला लागावे. लोकसभा निवडणुकीनंतर शिवसेना उबाठा गट शिल्लक राहणार नाही, असा दावा त्यांनी केला. यावेळी उद्धव ठाकरे व भास्कर जाधव यांच्यावर जाधव यांनी टीकास्त्र सोडले.

शिरीष सावंत म्हणाले, महाराष्ट्रातून मनसेच्या इंजिनातून कमळ दिल्लीला पाठवणार आहोत. नरेंद्र मोदी हे तिसर्यांदा पंतप्रधान व्हावेत, याकरिता भाजपला मनसे प्रमुख राज ठाकरे यांनी बिनशर्त पाठिंबा दिला असल्याचे त्यांनी सांगितले.आमदार नितेश राणे म्हणाले, रत्नागिरी-सिंधुदुर्ग लोकसभा मतदारसंघातून महायुतीचे उमेदवार केंद्रीयमंत्री नारायण राणे यांनी विक्रमी मताधिक्यांनी विजयी.