🛑दुकानवाड पंचक्रोशीतील पाच गावांना जोडनाऱ्या कर्ली नदीवरील पूलाचे पालकमंत्री मा.रवींद्र चव्हाण यांच्या हस्ते करण्यात आले ऑनलाइन उद्घाटन..

▪️माजी खासदार मा. निलेश राणे यांच्या प्रयत्नातून टाळंबा दुकानवाड पूलासाठी चार कोटी पन्नास लाखाचा निधी मंजूर..

✍🏼लोकसंवाद /- कुडाळ.

अनेक दशकाच्या प्रतीक्षेनंतर शेवटी कुडाळ तालुक्यातील दुकान वाढ पंचक्रोशीतील पाच गावांना जोडनाऱ्या कर्ली नदीवरील पूलाचे ऑनलाइन उद्घाटन पालकमंत्री मा. रवींद्र चव्हाण यांच्या हस्ते करण्यात आले. त्यामुळे तेथील लोकांनी शासनाला धन्यवाद दिले आहेत.

स्वातंत्र्य मिळून 75 वर्षे झाले तरी कुडाळ तालुक्याच्या माणगाव खोऱ्यातील दुकानवाड – टाळंबा दरम्यानच्या कर्ली नदीवरील पूलाला चालना मिळत नव्हती.पावसाळ्यात कर्ली नदी ओव्हर फ्लो झाली की उर्वरित जगापासून पंचक्रोशीतील दुकानवाड, उपवडे, साकिर्डे , वसोली, अंजिवडे, शिवापूर, कुंदनवाडी, ही गावे अलग पडत होती. इतकी वर्ष तेथील रहिवासी वर्षातील तब्बल चार-पाच महिने अंधकारमय जीवन जगत होते. लोक सातत्याने शासनाकडे मागणी करत होते पण केवळ आश्वासनाव्यतिरिक्त त्यांच्या पदरात काहीच पडत नव्हते.
लोकांच्यामध्ये असंतोष खादखदत राहिला. तरीही शासनाला पाझर फुटत नव्हता.

शेवटी कुडाळ मालवण विधानसभा मतदारसंघाचे भाजपचे निवडणूक प्रचार प्रमुख माजी खासदार मा. निलेशजी राणे यांच्या प्रयत्नातून टाळंबा दुकानवाड पूलासाठी चार कोटी पन्नास लाखाचा निधी मंजूर झाला . प्रत्यक्षात सामाजिक कार्यकर्ते कृष्णा नाईक यांच्या हस्ते श्रीफळ वाढवून उद्घाटन करण्यात आले तर नाम फलकाचे अनावरण फीत कापून शिवापूरच्या विद्यमान सरपंच सौ. सुमित्रा शेडगे व वसोली उपवडेच्या माजी सरपंच सौ. नयना शेडगे यांनी केले. आज आंतरराष्ट्रीय महिला दिन असल्याने या दोन महिलांना हा मान देण्यात आला.

या वेळी कुडाळ तालुक्याचे माजी सभापती श्री. मोहन सावंत, उपवडेचे माजी सरपंच श्री. मनोहर दळवी, जिल्हा बँक संचालक प्रकाश मोर्य,
श्री. कृष्णा नाईक, श्री. कांता कदम, माजी सैनिक श्री. विठोबा शेडगे, श्री. सुधीर गुंजाळ, तंटामुक्ती अध्यक्ष श्री. नंदू परब, श्री गजानन निकम, शिवापुरचे माजी सरपंच श्री. सुरेश राऊळ,श्री. संजय शेडगे, सुमित्रा शेडगे, नयना शेडगे, पत्रकार कृष्णा सावंत आदि मान्यवर उपस्थित होते.आता उद्घाटन झाल्याने लवकरात लवकर कामाला सुरुवात करून हे काम युद्धपातळीवर मे अखेर पर्यंत पूर्ण करावे अशा प्रतिक्रिया स्थानिक रहिवाशांनी व्यक्त केल्या .