🛑गणपत मसगे यांना भारतमुनी पुरस्कार प्रदान..

✍🏼लोकसंवाद /- कुडाळ.

बेंगलोर येथील आर्ट ऑफ लिविंग या श्री श्री रविशंकर महाराज यांच्या आश्रमात राष्ट्रीय स्वयंसेवक संघाचे प्रमुख श्री मोहनजी भागवत , संस्कार भारती संस्थेचे अध्यक्ष श्री वासुदेव कामत जी तसेच सुबोध शर्मा जी या मान्यवरांच्या हस्ते हा सन्मान सोहळा संम्पन्न झाला.

यावेळी ठाकर लोककलाकार श्री गणपत सखाराम मसगे यांनी केलेल्या ठाकर लोककलांच्या संवर्धन संगोपनाच्या महान कार्य बद्दल तसेच चित्रकथी व कळसुत्री बाहुल्यांच्या कलेमध्ये केलेल्या नाविण्यपूर्ण उपक्रमाची दखल घेवून या पुरस्कारासाठी यांची निवड संपूर्ण भारता मधून केली होती . मान्यवरांच्याहस्ते मसगे यांना भरतमुनी पुरस्कार म्हणून , सन्मानचिन्ह,सन्मानपत्र तसेच एकलक्ष ऐकावंन हजार रुपयांचा धनादेश श्री मसगे यांना प्रदान करण्यात आला. देशभरातील कला व लोककला क्षेत्रात काम करणाऱ्या हजारो कलाकारांमधून निवडलेल्या कलाकारांना मधून लोककला या क्षेत्रात निवडलेले गणपत मसगे हे एकमेव आहेत . ग्रामीण भागातून असूनही देशस्तरावर आपल्या कार्याची व कलेची छाप मसगे यांनी निर्माण केल्यामुळे त्यांचा गौरव करण्यात आला. असे आयोजकांनी नमूद केले.

मा मोहनजी भागवत यांनी मसगे यांच्या कार्याची दखल घेत आपल्या भाषणात त्यांच्या कार्याची आणि या आदिवासी कला आणि आदिवासीं मुळेच आपल्या भारताची ओळख आहे तसेच आपली खरी संस्कृती आणि परंपरा या आदिवासींनीच जपली आहे असे विशेष उल्लेख केला . भारतातील प्रतिष्ठित संस्कार भारती या संस्थेच्या माध्यमातुन कला विश्वामध्ये नाविण्यपूर्ण भरीव योगदानाची दखल घेवून कलाकारांचा सन्मान करण्याचा निर्णय घेण्यात आला होता. भरत मुनी हे नाट्यशास्त्राचे आद्य लेखक असून त्याच्या नावाने हा पुरस्कार सण 2023 या वर्षापासून सुरू करण्यात आला असून यावर्षीचा हा पहिलाच पुरस्कार श्री गणपत मसगे यांना देऊन त्यांचा गौरव करण्यात आला
लोककला क्षेत्रातून या पुरस्कारासाठी निवडलेले मसगे हे एकमेव आदिवासी कलाकार असून
यापुर्वीही महाराष्ट्र शासनाचा राज्य आदिवासी गिरिजन पुरस्कार, तसेच भारत सरकार व संगीत नाटक अकादमीचा राष्ट्रपती पुरस्कार अशा राष्ट्रीय व राज्य स्तरावरील पुरस्कारानी ही ते सन्मानीत झालेले आहेत . देशात गेली पन्नास वर्षा पेक्षा जास्त वर्ष कार्यरत असणाऱ्या संस्कार भारती या संस्थेने ग्रामीण भागात कार्य करणाऱ्या एका लोककलाकाराची दखल घेतली हे विशेष आहे, पुरस्काराच्या वेळी गणपत मसगे यांच्या जीवनावर आधारित चित्रफीत ही दाखवण्यात आली मसगे यांना मिळालेल्या या पुरस्काराबद्दल त्यांचे देश भरातून अभिनंदन होत असून. या पुरस्कारामुळे मसगे यांचे कुटुंबियांना प्रोत्साहन मिळणार आहे . संस्कार भरती संस्थेने यातून सामाजिक बांधिलकी जोपासली असून, तळागाळातील समाजातील दुर्लक्षीत लोकांना जगासमोर आणले आहे . यावर्षी भारतातील कला विश्वात नाविण्यपूर्ण कार्य करणाऱ्या लोककलाकारांच्या कामाची दखल घेत भरतमुनी या पुरस्कारासाठी निवड केली असून. हा पुरस्कार अधिक चांगले काम करण्यासाठी नवी उर्जा देणारा आहे. अशी प्रतिक्रिया मसगे यांनी व्यक्त केली.