🛑सोनवडे, सरंबळ, नेरूर, येथील अवैद्य वाळू उत्खनन कधी बंद करणार.;वर्षा कुडाळकर यांची मागणी..

✍🏼लोकसंवाद /- कुडाळ.

मौजे सोनवडे, सरंबळ, नेरूर येथील कर्ली नदी पत्रात अवैध वाळू उत्खनन मोठ्या प्रमाणात होत आहे याला सर्वश्री जबाबदार उपविभागीय अधिकारी महसूल कुडाळ हे असून यांच्याच आशीर्वादाने वाळू उत्खनन जोरदार प्रमाणात चालू आहे या अवैद्य वाळू उत्खननाबाबत आपण मुख्यमंत्री एकनाथ शिंदे यांची भेट घेतली असून यावर लवकरच कारवाई केली जाणार असल्याचे सांगितले आहे.

कुडाळ तालुक्यातील मौजे सोनवडे सरंबळ नेरुळ येथील करली नदीपात्रात मोठ्या प्रमाणात अवैद्य वाळू उपसा होत आहे या भागातील ग्रामस्थांच्या मोठ्या प्रमाणात तक्रारी आपल्याकडे येत असल्याचे शिवसेना महिला आघाडी जिल्हा प्रमुख वर्षा कुडाळकर यांनी दिलेल्या निवेदन पत्रात म्हटले आहे मात्र राजरोसपणे ही वाळू उत्खनन होत असल्याने यावर संबंधित प्रशासन कोणतीच कारवाई करत नाही याला जबाबदार कोण असा सवाल वर्षा कुडाळकर यांनी केला आहे सोनवडे आर्यादुर्गा मंदिर हे नदीकिनारी असून या अवैद्य वाळू उत्खननामुळे मंदिराला धोका उद्भवण्याची दाट शक्यता आहे त्याचप्रमाणे येथील शेतकऱ्यांच्या नारळ बागायती तसेच शेती सुद्धा नदीकिनारी आहे त्यामुळे त्यांना या वाळू उपसामुळे मोठा धोका निर्माण होणार आहे तरी या विभागातील शेतकऱ्यांचे होणारे नुकसान टाळण्यासाठी अवैद्य वाळू उत्खनन करणाऱ्यांवर त्वरित कारवाई करण्यात यावी असे दिलेल्या निवेदन पत्रात शिवसेना महिला आघाडी जिल्हाप्रमुख वर्षा कुडाळकर यांनी म्हटले आहे.