🛑शासकीय महाविद्यालयात तातडीने प्रमुखांची नियुक्ती करा.;जिल्हा काँग्रेस अध्यक्ष इर्शाद शेख यांची मागणी.

✍🏼लोकसंवाद /- वेंगुर्ला.

सिंधुदुर्गनगरी येथील शासकीय महाविद्यालय तातडीने महाविद्यालय प्रमुखांची नियुक्ती करा, अशी मागणी जिल्हा काँग्रेसचे अध्यक्ष इर्शाद शेख यांनी वैद्यकीय शिक्षण मंत्री हसन मुश्रीफ यांच्या कडे केली आहे. दरम्यान शासकीय वैद्यकीय महाविद्यालयाचा आणि जिल्हा रुग्णालयाचा कारभार स्वतंत्र ठेवण्यात यावा, असे ही त्यांनी म्हटले आहे. याबाबत त्यांनी प्रसिद्धी पत्रकाच्या माध्यमातून ही मागणी केली आहे.

श्रीमती रामानंद यांची बदली झाल्यामुळे ही जागा रिक्त झाली असून त्या रिक्त जागेवर शासनामार्फत कोणाचीही नियुक्ती न झाल्यामुळे वैद्यकीय महाविद्यालयाचे प्रशासकीय काम ठप्प झाले आहे. तरी या रिक्त जाग्यावर तातडीने नियुक्ती करावी अशी मागणी केली आहे तसेच शासनाचे वैद्यकीय शिक्षण विभाग व आरोग्य विभाग हे वेगवेगळे आहेत. त्यामुळे सिंधुदुर्ग जिल्ह्यातील शासकीय वैद्यकीय महाविद्यालय व जिल्हा रुग्णालय वेगवेगळे ठेवण्यात यावे. सिंधुदुर्ग जिल्ह्यातील शासकीय वैद्यकीय महाविद्यालयाला जिल्हा रुग्णालय जोडल्यापासून पूर्वी ज्या सुविधा जिल्हा रुग्णालयात मिळत होत्या त्या सुविधा रुग्णांना मिळत नाहीत. तरी शासकीय वैद्यकीय महाविद्यालयाच्या प्रमुखांची तातडीने नियुक्ती करावी आणि शासकीय वैद्यकीय महाविद्यालय आणि जिल्हा रुग्णालय वेगळे ठेवण्यात यावे अशी मागणी सिंधुदुर्ग जिल्हा काँग्रेसचे अध्यक्ष इर्शाद शेख यांनी वैद्यकीय शिक्षण मंत्री हसन मुश्रीफ यांच्याकडे केली आहे.