🛑बिबवणे गजानन महाराज ध्यान मंदिराकडे जाणा-या रस्त्याला पथदिवा खांब व विद्युत वाहीनीचा शुभारंभ..

✍🏼लोकसंवाद /- समील जळवी, कुडाळ

कुडाळ तालुक्यातील श्री.गजानन महाराज ध्यान मंदिर स्वामी प्रतिक्षा भक्ती मंडळ पळसेवाडी,बिबवणे मंदिराकडे जाणा-या रस्त्याला पथदिवा खांब (Street light poll ) व विद्युत वाहीनीचा शुभारंभ दिनांक २१/१२/२३ रोजी प्रमुख अतिथी सन्माननीय उप अभियंता,श्री.वाठोरे महावितरण कंपनी शाखा कुडाळ आणि कुडाळ चे माजी नगराध्यक्ष विनायक राणे बिंबवणे सरपंच सौ.सृष्टी कुडपकर यांच्या हस्ते करण्यात आले.यावेळी ग्रामसेवक सौ.अन्वी शिरोडकर, उपसरपंच श्री. दीपक सावंत,तसेच रस्ता जमिनधारक श्री.प्रकाश कुबल सर श्री. अरूण नाईक, श्री. सचिन शिरगांवकर ,मंडळाचे अध्यक्ष श्री. राजन मांजरेकर श्री.नाना माळकर, सौ. आर्या अडुळकर सर्व भक्त मंडळी व पदाधिकारी, सदस्य व सभासद मोठ्या संख्येने उपस्थिती होते.

मंदीराकडे जाणा-या वाटेवर रस्त्यावर पथदिवा खांबाची पुजा करून नारळ वाढवून पथदिव्याला प्रकाशमय कापसानी नटलेली समईचा अंधुकशा वातीना मान्यवरांनी पेटवून रस्त्यावरील पथदिवा खांबावरील फ्युज कनेक्शन जोडून मंदिराचा प्रवास ज्योतीमय व प्रकाशमय करून रस्ता पथदिवा खांब (Street light poll ) व विद्युत वाहीनीचा शुभारंभ सोहळा पार पाडला.

मान्यवरांनी केलेली मदत ही स्वामी कृपेने झाली आहे.कित्येक वर्षे रानावनातून जाताना स्वामी गजानन महाराज माऊलींचे नामस्मरण करीत जाण-या सर्वं भक्तगणांना आज स्वामींनीच मदत केली असून, भक्त मंडळींमध्ये हर्ष निर्माण झाला आहे.तो केवळ स्वामींनमुळे..असे या कार्यक्रमाचे आयोजक व नियोजक संपूर्ण स्वामी भक्त मंडळी यांनी आपले शब्द व्यक्त केले आहेत.

ह्या यंत्रणेला लाभलेला खर्च माजी खासदार सन्माननीय श्री निलेशजी राणे साहेब यांनी मंजूर केलेला असून त्यांचेही मोलाचे योगदान व सहकार्याबद्दल मंडळाचे आयोजक व भक्तगणांनी त्यांचेप्रती स्वामी चरणी शुभेच्छा सांगुन डॉ.निलेश राणे यांचे ग्रामस्थांनी आभार मानले.