🛑नवसाला पावणारा व भक्तांच्या हाकेला धावणारा अशी ख्याती असलेल्या खवणेश्वराच्या २० व्या वर्धापन दिनानिमित्त भरगच्च कार्यक्रमांचे आयोजन..

✍🏼लोकसंवाद /- वेंगुर्ला.

वेंगुर्ले तालुक्यातील खवणे येथील श्री देव खवणेश्वराचा २० वा वर्धापन दिन मंगळवार दि.१९ डिसेंबर २०२३ ते २१ डिसेंबर २०२३ रोजी साजरा होत आहे.यानिमित्त श्री देव खवणेश्वराच्या मंदिरात विविध कार्यक्रमांचे आयोजन करण्यात आले आहे.

मंगळवार दि.१९ डिसेंबर २०२३ रोजी सकाळी ८ वा. अभिषेक,सायंकाळी ७ वाजता भजन (खवणेश्वर प्रासादिक भजन मंडळ खवणे घाडीवाडी),रात्रौ ८ वाजता मंगलमूर्ती सत्पुरुष प्रासादिक भजन मंडळ गोवेरी व कुलदेवता प्रासादिक भजन मंडळ साळगाव या मंडळांचे भजन

बुधवार दि २० डिसेंबर २०२३ रोजी सकाळी ८ वा. अभिषेक,सायंकाळी ७ वाजता तारादेवी फुगडी मंडळ केळूस यांचा फुगडी नृत्याचा कार्यक्रम,रात्रौ ८ वा रामकृष्ण हरि भजन मंडळ सेवा संघ तेंडोली यांचे भजन, रात्रौ ९ वाजता अमृतनाथ दशावतार नाट्य मंडळ म्हापण यांचे महान पौराणिक दशावतारी नाटक होणार आहे.

गुरुवार दि.२१ डिसेंबर २०२३ रोजी सकाळी ८ वाजता लघुरूद्र, सकाळी १० वाजता श्री सत्यनारायण महापुजा, दुपारी १ ते ३ महाप्रसाद, दुपारी ३ ते ७ वाजता ग्रामस्थांची भजने,७ वाजता जयशंभो प्रासादिक भजन मंडळ सावंतवाडी यांचे भजन, रात्रौ ८ वाजता सत्कार समारंभ तर रात्रौ ९ वाजता नितिन आसयेकर प्रस्तुत भुमिका श्री देवी भुमिका दशावतार लोककला नाट्यमंडळ मळगाव सावंतवाडी यांचा पौराणिक अध्यात्मिक ट्रिकसीनयुक्त दशावतार नाट्यपुष्प “संत सद्गुरु देवावतारी बाळूमामा” हा नाटयप्रयोग होणार आहे.तरी या सर्व कार्यक्रमांचा सर्व भाविक भक्तांनी लाभ घ्यावा असे आवाहन श्री देव खवणेश्वर युवक मित्रमंडळ व खवणे ग्रामस्थांच्यावतीने करण्यात आले आहे.