🛑आमदार नितेश राणेंचे केंद्रीय गृहमंत्री अमित शहा यांच्याकडून कौतुक…

✍🏼लोकसंवाद /- कणकवली.

तेलंगणा – पेद्दापल्ली विधानसभेचे उमेदवार प्रदीप राव यांच्यासह पेद्दापल्ली जिल्ह्यातील भाजप उमेदवारांच्या प्रचाराची जबाबदारी असलेल्या आमदार नितेश राणे यांच्या कामाची केंद्रीय गृहमंत्री अमित शहा यांनी दखल घेत त्यांचे कौतुक केले. पेद्दापल्ली येथे कलेक्टर ऑफिस ग्राऊंडवर गृहमंत्री अमित शहा यांचे आगमन झाले तेव्हा राणे यांनी त्यांची भेट घेतली. यावेळी शहा यांनी त्यांच्याशी संवाद साधला.

प्रचाराची जबाबदारी असलेल्या मतदार संघांची वस्तुस्थिती जाणून घेतली. दरम्यान प्रचार मोहिमेत आघाडी घेतल्याबद्दल आमदार राणे यांचे अभिनंदन केले. राणे हे गेले काही दिवस तेलंगणा- पेद्दापल्ली येथे ठाण मांडून बसले आहेत. प्रचारात सक्रिय आहेत. त्यांच्यासोबत स्थानिक भाजपाचे नेते उपस्थित आहेत.