🛑पुण्याहून चिपळुणकडे येणारी मिनी बस भोरच्या वरंधा घाटात खोल दरीत कोसळली.; चालकाचा मृत्यू..

✍🏼लोकसंवाद /- पुणे.

पुण्याहून भोरमार्गे कोकणात चिपळुणकडे जाणाऱ्या मिनी बसचा मध्यरात्री २ वाजण्याच्या सुमारास वरंधा घाटात भीषण अपघात झाला आहे. चालकाचं नियंत्रण सुटल्यानं नीरा देवघर धरणाच्या बॅक वॉटर परिसरात ही मिनी बस खोल दरीत कोसळली. यात चालकाचा मृत्यू झाला तर सर्व १० प्रवाशांना वाचवण्यात यश आलं आहे. बस कोसळली तिथून अवघ्या ५ फुटांवर नीरा देवघर धरणाचं खोल पाणी होत, मात्र बस झाडाझुडपात अडकल्याने मोठा अनर्थ टळला आहे. स्थानिक तरुणांनी जीवाची बाजी लावून प्रवाशांचा जीव वाचवला आहे.

हा अपघात इतका भयानक होता की मिनी बस ५० फूट खोल दरीत कोसळली. सुदैवाने बसमधील १० ही जणांना सुखरूप बाहेर काढण्यात यश आले आहे. बस दरीत कोसळताना झाडाझुडपात अडकल्याने मोठा अनर्थ टळला. घटनेची माहिती मिळताच स्थानिकांनी आणि पोलिसांनी घटनास्थळी धाव घेत गाडीतील प्रवाशांना सुखरूप बाहेर काढण्यात आले आहे.

अपघातातील जखमींना भोरच्या उपजिल्हा रुग्णालयात दाखल करण्यात आले आहे. ही मिनी बस पुण्याहून वरंधा घाटमार्गे चिपळूणकडे चालली होती. घाटातील एका वळणावर चालकाचं बस वरील नियंत्रण सुटल्यानं अपघात झाल्याचा अंदाज वर्तवण्यात आला आहे. बस कोसळून झाडाझुडपात अडकली त्या ठिकाणाहून अवघ्या ५ फुटांवर नीरा देवघर धरणाचं खोल पाणी आहे. स्थानिक तरुणांनी जीवाची बाजी लावून प्रवाशांना सुखरूप बाहेर काढलं आहे.