🛑”भाजपचंही ठरलं”, ठाकरेंच्या “होऊ द्या चर्चा” ला जोरदार प्रत्युत्तर मिळणार..

▪️आ. वैभव नाईक यांच्या कारभाराचा पंचनामा नाक्या नाक्यावर करणार.;भाजप तालुकाध्यक्ष धोंडी चिंदरकर यांनी मांडली रोखठोक भूमिका..

✍🏼लोकसंवाद /-मालवण.

प्रत्येक निवडणुकीत येथील आमदारांनी खोट्या आश्वासनांची खैरात करुन जो आमदार निधी पत्रांचा फंडा करुन लोकांना जो गंडा घातला त्याचा पाढा प्रत्येक नाक्यानाक्यावर वाचणार. सभाही घेतल्या जाणार. अशी रोखठोख भूमिका भाजप मालवण तालुकाध्यक्ष धोंडी चिंदरकर यांनी मांडली आहे. ठाकरे गटाच्या वतीने शासकीय योजना विरोधात टीका टिपण्णी करण्यासाठी होऊ दे चर्चा हा कार्यक्रम मालवण येथे आयोजित करण्याचा प्रयत्न केला जात आहे. त्याबाबत भाजप तालुकाध्यक्ष धोंडी चिंदरकर यांनी रोखठोक भूमिका मांडताना ठाकरे गट व आमदार वैभव नाईक यांच्या कारभारावर सडकून टीका केली आहे. तर भाजप युती सरकारच्या माध्यमातून होणाऱ्या विकासकामांचा लेखाजोगा मांडला आहे.

चिंदरकर यांनी दिलेल्या प्रसिद्धी पत्रात म्हटले आहे, केंद्रीय मंत्री नारायणराव राणे, पालकमंत्री रविंद चव्हाण यांच्या माध्यमातून माजी खासदार निलेश राणे यांनी ज्या ज्या कामांचा पाठपुरावा करुन शासनाच्या माध्यमातून विकास कामे मंजूर करुन घेतली. ती ऑन रेकॉर्ड आहेत. जनतेलाही त्याबाबत माहिती आहे. एका बाजूने गतिमान विकासाच्या दृष्टीने या सर्वांचा विचार होत असताना प्रत्येक निवडणुकीत स्थानिक आमदार वैभव नाईक जनतेला अनेक खोटी आश्वासने देतात. खोट्या आश्वासनांची खैरात करुन आमदार निधी पत्रांचा फंडा करुन लोकांना जो गंडा घातला जातो, त्याचा पाढा नाक्या नाक्यावर वाचला जाणार आहे. याबाबत लेखी माहिती नाक्या, नाक्यावर दिली जाणार आहे.खरतर सिंधुदुर्गातील जनता सुज्ञ आहे. कोण काय करते याची माहिती जनतेला आहे. मात्र होऊ दे चर्चा नावाखाली ठाकरे गट नौटंकी करत असेल. आमदारांचा अपयशी कारभार झाकण्यासाठी गावा गावात खड्यांचे साम्राज्य, दर्जाहीन झालेली कामे ही पाप झाकण्यासाठी सरकारवर टीका करण्याचं खटाटोप सुरू असेल तर त्याला वास्तवतेच्या माध्यमातून उत्तर दिले जाणार. असे धोंडी चिंदरकर यांनी स्पष्ट केले.