🛑शिरोडा तंटामुक्ती समिती अध्यक्षपदी सिद्धेश उर्फ भाई परब यांची निवड..

✍🏼लोकसंवाद /- वेंगुर्ला.

वेंगुर्ले तालुक्यातील शिरोडा गाव तंटामुक्ती समिती अध्यक्षपदी सिद्धेश उर्फ भाई परब यांची एकमताने निवड करण्यात आहे आहे.शिरोडा ग्रामपंचायत सरपंच लतिका रेडकर यांच्या अध्यक्षतेखाली झालेल्या ग्रामसभेमध्ये ही निवड करण्यात आली. नुकतेच चांद्रयानाने यशस्वी लँडींग केले, त्याबद्दल शास्त्रज्ञांचे अभिनंदनाचा ठराव शिरोडा सरपंच लतिका रेडकर यांच्याकडून घेण्यात आला.यावेळी उपसरपंच चंदन हाडकी, सर्व ग्रामपंचायत सदस्य, माजी सरपंच मनोज उगवेकर, माजी ग्रामपंचायत सदस्य कौशिक परब, संदीप गावडे, श्रीराम नाईक, माजी उपसरपंच राहुल गावडे , तलाठी, बचत गट महिला, ग्रामस्थ उपस्थित होते. सिद्धेश परब यांनी वेंगुर्ले पंचायत समिती उपसभापती म्हणून चांगले काम केले आहे. तालुक्यातील शिरोडा या मोठया गावामध्ये त्यांच्या या निवडीनंतर त्यांचे अभिनंदन करण्यात आले आहे.