🛑भंगसाळ नदीवरील बंधाऱ्यावरून महिला मुलासोबत दुचाकीवरून थेट नदीपात्रात कोसळली.

✒️लोकसंवाद /-  समिल जळवी,कुडाळ.

कुडाळ शहरातील भंगसाळ नदीवरील गणेश घाटाला लागुन असलेल्या बंधाऱ्या वरून सावंत नामक एक महिला आपल्या मुलाला टी.व्ही.एस.ज्युपिटर गाडीवरून आंबडपाल येथून कुडाळ बाजारपेठ येथे येण्यासाठी निघाली असता बंधाऱ्यावरून दुचाकी थेट नदीपात्रात कोसळल्याची घटना आज दुपारी दोन वाजून पन्नास मिनिटांनी घडली.या दुर्घटनेत, दुचाकीवरील आई आणि मुलगा नदीपात्रात पडले.आई आणि मुलाच्या पायाला जबर दुखापत झाली असुन त्यांच्या गाडीचे मोठे नुकसान झाले आहे.15 ते 20 फुटच्या अंतरावरून बंधाऱ्यावरून ते दोघे कोसळ्याने महिलेच्या गळ्यातील मंगळसूत्र नदीत गहाळ झाले.मात्र त्या ठिकाणी काम करत असलेले प्रसाद शेलटे, उमेश शेलटे, अक्षय शेलटे आणि अन्य ग्रामस्थांनी दोघांनाही पाण्यातून सुखरूप बाहेर काढले.त्यांनंतर त्यांना कुडाळ ग्रामीण रुग्णालयात उपचारासाठी नेण्यात आले.मात्र त्यांच्या पायाला जबर मार लागल्याने त्या दोघांना ओरोस येथील सिव्हिल हॉस्पिटल मध्ये पाठवण्यात आले.