🛑कुडाळ शहरातील छत्रपती शिवाजी महाराज पार्क इमारतीखाली पार्क केलेली इलेक्ट्रिक दुचाकी गेली चोरीला.

◼️कुडाळ शहरात चोरीच्या घटनेने उडाली एकच खळबळ.

✒️लोकसंवाद /- कुडाळ.

कुडाळ शहरात चोरीच्या घटनेने खळबळ उडाली आहे.छत्रपती शिवाजी महाराज पार्क परिसरातील एका इमारतीखाली पार्क केलेली इलेक्ट्रिक दुचाकी चोरट्याने लांबविल्याची घटना घडली आहे.सदर घटनेचा व्हिडिओ हा CC टीव्हीमध्ये कैद झाला आहे चोरट्या CC टीव्ही मधील फुटेज मध्ये हुडी आणि तोंडावर मास लावून गाडी चोरतानाचा चोरट्या व्हिडिओ दिसत आहे.शिवाजी महाराज पार्क येथील एका इमारतीखाली पार्क करून ठेवलेली ‘कोमाकी – X१ (Komaki X1)’ ही पांढऱ्या रंगाची इलेक्ट्रिक दुचाकी अज्ञात चोरट्याने लांबवल्याची घटना समोर आली आहे.​मिळालेल्या माहितीनुसार, दुचाकी मालकाने आपली गाडी नेहमीप्रमाणे इमारतीच्या पार्किंग क्षेत्रात पार्क करून ठेवली होती. मात्र,रात्रीच्या सुमारास संधी साधत अज्ञात चोरट्याने ही गाडी लंपास केली.सकाळी गाडी जागेवर नसल्याचे लक्षात येताच मालकाने तत्काळ परिसरातील सीसीटीव्ही (CCTV) फुटेज तपासले.​या सीसीटीव्ही फुटेजमध्ये चोरटा दुचाकी चोरून नेताना स्पष्टपणे कैद झाला आहे. घटनेची माहिती मिळताच स्थानिक पोलिसांनी घटनास्थळी भेट देऊन तपास सुरू केला असून, सीसीटीव्ही फुटेजच्या आधारे चोरट्याचा शोध घेतला जात आहे. शहरातील वर्दळीच्या आणि मध्यवर्ती भागात अशा प्रकारे दुचाकी चोरीला गेल्याने स्थानिक नागरिकांमध्ये पुन्हा एकदा सुरक्षेचा प्रश्न निर्माण झाला आहे.