🛑साळगांव जिल्हा परिषद शाळेतील मुलांना जि.प.सदस्य गुरु सडवेलकर यांच्याकडून वृक्ष वाटप.

✒️लोकसंवाद /- कुडाळ.

झाडे लावा झाडे जगवा आणि मानवाला स्वच्छ ऑक्सिजन उपलब्ध करून द्या असे म्हणत पिंगुळी जिल्हा परिषद सदस्य गंगाराम सडवेलकर यांनी साळगाव मधील शाळेतील मुलांना झाडांचे वाटप केले.आपण दरवर्षी किमान एक झाड लावून तेची जोपासना करून संगोपन केले तर तेच झाड कित्येक लोकांना अनेक वर्षे स्वच्छ ऑक्सिजन उपलब्ध करून देईल जेणेकरून मानवी जीवन निरोगी दीर्घायुष्य जाईल आणि याचा पाया आपण मुलानी घातला पाहिजे. आजची युवा पिढी उद्याची आदर्श समाजाची आणि देशाचे सुजान नागरिक आहात तेव्हा आपण सर्व मुलांनी शिक्षणासोबत झाडांची सुद्धा जोपासना करा तसेच आपल्या जिल्हा परिषद शाळेतील अनेक मुले उच्च पदावर गेले आहेत आपली शाळा ही शिक्षणाचा मूळ पाया आहे जिथे पाया मजबूत तिथे पुढील वाटचाल ही यशस्वी होणार असे सांगत सडवेलकर यांनी सर्व मुलांना कीर्तिवंत होण्यासाठी शुभेच्छा दिल्या.यावेळी उपविभाग प्रमुख सचिन ठाकूर, दत्ता लाड, शाखाप्रमुख नामदेव तावडे, युवासेनेचे सूरज घाटकर, मांडकुली उपसरपंच तुषार सामंत,शाळेचे मुख्याध्यापक सौ पिळणकर,शिक्षिका सौ बांदिवडेकर व ग्रामस्थ उपस्थित होते