🛑घरगुती वादतून डोक्यात कोयत्याने वार करून गंभीर जखमी केल्या प्रकरणी एकावर गुन्हा दाखल..

✒️लोकसंवाद /- कुडाळ.

कुडाळ तालुक्यातील कालेली आंगचेकरवाडी येथे घरगुती वादातून पतीने आपल्या पत्नीला जीवे मारण्याचा प्रयत्न केल्याची धक्कादायक घटना घडली आहे.रमेश गणपत चव्हाण (वय ५७) असे संशयिताचे नाव आहे.रेश्मा चव्हाण असे पत्नीचे नाव असून तिचा गळा आवळला आणि त्यांच्या डोक्यात कोयत्याने वार करून गंभीर जखमी केले.याप्रकरणी त्यांची सून वैदेही विकास चव्हाण यांनी कुडाळ पोलीस ठाण्यात सासऱ्यांविरुद्ध फिर्याद दिली आहे. घटनेची माहिती मिळताच अप्पर पोलीस अधीक्षक श्रीमती साटम आणि पोलीस निरीक्षक आर. ए. मगदूम यांनी घटनास्थळी भेट देऊन पाहणी केली. पोलिसांनी या प्रकरणी भारतीय न्याय संहितेच्या विविध कलमान्वये गुन्हा दाखल केला असून, सहाय्यक पोलीस निरीक्षक जयदीप पाटील या प्रकरणाचा अधिक तपास करत आहेत. या घटनेमुळे संपूर्ण परिसरात संताप आणि भीतीचे वातावरण पसरले आहे.