🛑सावंतवाडीत शिंदे शिवसेनेकडून राहुल गांधींच्या वक्तव्याचा निषेध करत पुतळा केला दहन.

✒️लोकसंवाद /- सावंतवाडी.

देशाचे पंतप्रधान नरेंद्र मोदी यांच्याविरोधात काँग्रेस नेते राहुल गांधी यांनी केलेल्या वक्तव्याच्या निषेधार्थ सावंतवाडीत शिवसेनेच्या वतीने आंदोलन करण्यात आले. जनरल जगन्नाथराव भोसले शिव उद्यानसमोर कार्यकर्त्यांनी जोरदार घोषणाबाजी करत राहुल गांधी यांचा पुतळा जाळून संताप व्यक्त केला.

भारत-अमेरिका व्यापार करारासंदर्भातील आंदोलन आणि पंतप्रधानांविषयी वापरलेल्या कथित अपशब्दांच्या निषेधार्थ हे पुतळा दहन करण्यात आल्याचे शिवसेना जिल्हाप्रमुख संजू परब यांनी सांगितले.

श्री. परब म्हणाले की, देशाच्या पंतप्रधानां विरोधातील अशा प्रकारच्या वक्तव्याचा शिवसेना तीव्र शब्दांत निषेध करते. यापुढेही अशा वक्तव्यांविरोधात आंदोलन करण्यात येईल, असा इशाराही त्यांनी दिला.

या आंदोलनावेळी जिल्हाप्रमुख संजू परब, शहरप्रमुख खेमराज उर्फ बाबु कुडतरकर, महिला जिल्हाप्रमुख अॅड. निता सावंत-कविटकर, लतिका सिंग, युवा सेना तालुकाप्रमुख क्लेटस फर्नांडिस, रियाज खान यांच्यासह शिवसेनेचे पदाधिकारी व कार्यकर्ते मोठ्या संख्येने उपस्थित होते.