🛑सिंधुदुर्गातील काजु उत्पादक शेतकऱ्यांची आमदार निलेश राणे यांना भेट.

✒️लोकसंवाद /- मालवण.

सिंधुदुर्गातील काजु उत्पादक शेतकऱ्यांच्या वतीने कुडाळ विधानसभा मतदारसंघ आमदार माननिय श्री. निलेशजी राणे यांची त्यांच्या मालवण येथील निलरत्न या निवासस्थानी भेट घेतली. या भेटीत काजु उत्पादन, विक्री दर, उत्पादन समस्या, वन्यप्राणी उपद्रव आणि संबंधित इतर प्रश्नांविषयी येत्या अर्थसंकल्पीय अधिवेशनात लक्षवेधी सूचना करावी यासाठी काजु उत्पादक शेतकऱ्यांच्या व्यथा मांडण्यासाठी सिंधुदुर्ग जिल्हा शेतकरी आणि फळबागायतदार संघाचे अध्यक्ष श्री. विलास सावंत,दोडामार्ग तालुका शेतकरी आणि फळबागायतदार संघाचे अध्यक्ष श्री. संजय देसाई आणि खजिनदार श्री. आकाश नरसुले यांनी भेट घेतली. यावेळी मा. निलेशजी राणे लक्षवेधी सूचना मांडण्यासाठी काजु उत्पादन, राज्य, राष्ट्रीय आंतरराष्ट्रीय स्तरावरील काजु आवक, दर, स्थानिक आणि आयात काजूची प्रतवारी यांविषयी माहिती करून घेत असताना त्यांना अभ्यासपूर्ण माहिती देण्यात आली. विशेषतः लगतच्या गोवा राज्यात काजुसाठी मिळणारा भाव यावर जास्त लक्ष केंद्रित करण्यात आले. सदर माहिती जाणून घेतल्यानंतर त्यावर सकारात्मक लक्षवेधी आपण येणाऱ्या अर्थसंकल्पीय अधिवेशनात मांडण्याचे आश्वासन मा. श्री . निलेशजी राणे यांच्याकडून देण्यात आले.