🛑 शिक्षक रघुनाथ उर्फ बबन नाईक यांचे निधन!

✒️लोकसंवाद /- कुडाळ.

बिबवणे – नाईकवाडी येथील रहिवासी व नेरूर येथील श्री कलेश्वर विद्यामंदिराचे सेवानिवृत शिक्षक रघुनाथ उर्फ बबन वासुदेव नाईक ( 69 ) यांचे शनिवारी सकाळी 9.30 वाजण्याच्या सुमारास निधन झाले. रघुनाथ नाईक यांनी प्रथम मांडकुली – केरवडे येथील प.पू.आप्पासाहेब पटवर्धन विद्यालयात तीन वर्षे अध्यापनाचे कार्य केले.त्यानंतर ते नेरूर येथील श्री कलेश्वर विद्यामंदिरात क्रीडा शिक्षक म्हणून सेवेत रुजू झाले. तेथे त्यांनी अध्यापनाबरोबरच क्रीडा क्षेत्रातही चांगले विद्यार्थी घडविले. विद्यार्थीप्रिय शिक्षक म्हणून त्यांनी आपली ओळख निर्माण केली. या विद्यामंदिरच्या शिक्षण संस्थेचे ते सभासद होते.त्याच्या शालेय क्रीडा क्षेत्रातील योगदानाबद्दल त्यांना आदर्श क्रीडा शिक्षक पुरस्कार मिळाला होता. कुडाळ तालुका शालेय क्रीडा असोसिएशनचे अध्यक्षपद त्यांनी भूषविले होते.बिबवणे पंचक्रोशी शिक्षण प्रसारक मंडळाच्या अध्यक्षपदाचा कार्यभार त्यांनी यशस्वीपणे सांभाळला. या संस्थेच्या लक्ष्मीनारायण विद्यालयाच्या प्रगतीसाठी त्यांचे प्रयत्न राहिले. सडेतोड व स्पष्ट बोलणे हा त्याचा स्वभाव गुण होता. सामाजिक व क्रीडा क्षेत्रात त्यांचा सहभाग असायचा. पूर्वी सन 1988-89 दरम्यानच्या युवक मित्रमंडळ ( बिबवणे ) च्या क्रिकेट स्पर्धा आयोजनात त्यांचा सक्रिय सहभाग असायचा. हॉलिबॉल खेळ आणि भजनाची त्यांना फार आवड होती.त्यांच्या पश्चात पत्नी ,दोन मुलगे, मुलगी,जावई ,सून,तीन भाऊ,भावजया, पुतणे व अन्य परिवार आहे. बिबवणे येथील सामाजिक कार्यकर्ते रोहन नाईक , सिंधुदुर्गातील व्हॉलिबॉलपटू रोहित नाईक यांचे ते वडील ,तर बांदा येथील खेमराज मेमोरिअल इंग्लिश स्कूल व डॉ.व्ही.के. तोरसकर कनिष्ठ महाविद्यालयाचे सेवानिवृत्त शिक्षक शरद नाईक यांचे ते बंधू होत.