🛑देवगड तालुक्यात भाजपचे १० जागांवर बिनविरोध विजय उर्वरित मतदारसंघांत चुरशीच्या लढती.

✍️लोकसंवाद /- देवगड.

देवगड तालुक्यातील जिल्हा परिषद व पंचायत समिती निवडणुकीत अर्ज मागे घेण्याची प्रक्रिया पूर्ण झाल्यानंतर अनेक मतदारसंघांत बिनविरोध निकाल लागले असून उर्वरित ठिकाणी थेट लढती निश्चित झाल्या आहेत. या निवडणुकीत जिल्हा परिषदेत चार तर पंचायत समितीत सहा अशा एकूण दहा जागांवर भाजपचे उमेदवार बिनविरोध निवडले गेले आहेत.

जिल्हा परिषद स्तरावर पडेल, बापर्डे, पोंभुर्ले आणि किंजवडे या चार मतदारसंघांत भाजपचे उमेदवार बिनविरोध निवडले गेले आहेत. पडेल (सर्वसाधारण महिला) मतदारसंघातून सुयोगी रविंद्र घाडी, बापर्डे (सर्वसाधारण महिला) मतदारसंघातून अवनी अमोल तेली, पोंभुर्ले (ना.मा.प्र महिला) मतदारसंघातून अनुराधा महेशकुमार नारकर तर किंजवडे (सर्वसाधारण महिला) मतदारसंघातून सावी गंगाराम लोके यांची थेट निवड झाली आहे.

पंचायत समिती स्तरावर भाजपला सहा जागांवर बिनविरोध यश मिळाले आहे. पडेल (सर्वसाधारण) । मतदारसंघातून अंकुश यशवंत ठूकरूल, नाडण (सर्वसाधारण) मतदारसंघातून गणेश सदाशिव राणे, बापर्डे (सर्वसाधारण महिला) मतदारसंघातून संजना संजय लाड, फणसगांव (सर्वसाधारण महिला) मतदारसंघातून समृद्धी संतोष चव्हाण, शिरगांव (सर्वसाधारण महिला) मतदारसंघातून शितल सुरेश तावडे आणि कोटकामते (ना.मा.प्र महिला) मतदारसंघातून ऋतुजा राकेश खाजणवाडकर यांची बिनविरोध निवड झाली आहे.