🛑मुंबई हायकोर्टाच्या न्यायाधीशपदी सिंधुदुर्गातील दोन भूमिपुत्रांची निवड.;सिंधुदुर्ग वकील संघटनेच्यावतीने भव्य सत्काराचे आयोजन.

🖋️लोकसंवाद /-  समिल जळवी,कुडाळ.

मुंबई उच्च न्यायालयाच्या न्यायाधीश पदी सिंधुदुर्ग जिल्ह्यातील दोन भूमिपुत्रांची निवड झाल्याबद्दल सिंधुदुर्ग जिल्हा वकील संघटनेच्या वतीने १४ डिसेंबर २०२५ रोजी कुडाळ येथील शांतादुर्गा हॉल, पावशी येथे भव्य सत्कार सोहळा आयोजित करण्यात आला आहे.

नवनियुक्त न्यायाधीश श्री. श्रीराम शिरसाट आणि श्री. अमित जामसंडेकर यांचा यावेळी सन्मान करण्यात येणार आहे.दिनांक: १४ डिसेंबर २०२५ वेळ: सकाळी १०:३० वाजता स्थळ: शांतादुर्गा हॉल, पावशी (कुडाळ) मा. न्यायमूर्ती श्री. अमित जामसंडेकर हे मूळचे देवगड तालुक्यातील असून, मा. न्यायमूर्ती श्री. श्रीराम शिरसाट हे कणकवली तालुक्यातील आहेत. या दोन सुपुत्रांची थेट मुंबई उच्च न्यायालयाच्या न्यायाधीश पदी निवड झाल्याने संपूर्ण सिंधुदुर्ग जिल्ह्याला मोठा गौरव प्राप्त झाला आहे.

या सन्मान सोहळ्यासाठी मुंबई उच्च न्यायालयाच्या कोल्हापूर खंडपीठाचे प्रशासकीय न्यायाधीश मा. मकरंद कर्णिक हे विशेषत्वाने उपस्थित राहणार आहेत. तसेच, सिंधुदुर्ग जिल्ह्याचे सत्र न्यायाधीश मा. देशपांडे हे देखील उपस्थित असतील.

या कार्यक्रमात नवनियुक्त न्यायाधीश व उच्च न्यायालयाचे न्यायाधीशांकडून मार्गदर्शन होणार आहे. ‘रन न्यायालयात काम कसे करावे’ याबद्दल सिंधुदुर्ग जिल्ह्यात पहिल्यांदाच असे सखोल मार्गदर्शन होणार असल्याने तरुण आणि नवोदित वकिलांना त्याचा कायद्याच्या आणि कामकाजाच्या दृष्टीने मोठा फायदा होणार आहे.

वकील संग्राम देसाई यांनी या कार्यक्रमाच्या आयोजनाबद्दल माहिती देताना सांगितले की, मुंबई उच्च न्यायालयामध्ये जे वकील उत्तम कामकाज करतात, त्यांचीच न्यायाधीश पदी निवड होत असते. आतापर्यंत सिंधुदुर्ग जिल्ह्यातील वकिलांना जिल्ह्याबाहेर काम करण्याची संधी मिळत नसल्याने ही संधी हुकत होती. मात्र, आता कोल्हापूर खंडपीठाच्या स्थापनेमुळे सिंधुदुर्गातील वकिलांना उच्च न्यायालयात कामकाज करण्याची संधी मिळणार आहे. यामुळे भविष्यात सिंधुदुर्ग जिल्ह्यातील आणखी वकील न्यायाधीश पदी नियुक्त होतील, असा विश्वास त्यांनी व्यक्त केला.

या महत्त्वपूर्ण मार्गदर्शनाचा आणि सन्मान सोहळ्याचा लाभ घेण्यासाठी सर्व वकिलांनी मोठ्या संख्येने उपस्थित राहावे, अशी विनंती वकील संग्राम देसाई यांनी केली.आहे.

अॅड. संग्राम देसाई बार कौन्सिल ऑफ महाराष्ट्र गोवा, अॅड. परिमल नाईक अध्यक्ष सिंधुदुर्ग बार असोसिएशन, अॅड. यतीश खानोलकर सेक्रेटरी, अॅड. विवेक मांडकुलकर उपाध्यक्ष, अॅड. नीलिमा गावडे उपाध्यक्ष महिला, अॅड. गोविंद बांदेकर खजिनदार, अॅड. राजीव बिले, अॅड. राजीव कुडाळकर, अॅड. अमोल सामंत, अॅड. सुनील लोट, अॅड. अविनाश परब, अॅड. अमित सावंत, अॅड. राजश्री नाईक, अॅड. हितेश कुडाळकर, अॅड. निखील गावडे, अॅड. विक्रांत परब, अॅड. दत्ताराम बिर्जे, अॅड. विनय मांडकुलकर, अॅड. साशंक जाधव, अॅड. सुरेश गावडे आदी उपस्थित होते.