🛑”मेक ईन कोकण” ची उत्पादने जागत स्वतंत्र ओळख निर्माण करणार.;विशाल परब.

🖋️लोकसंवाद /- सावंतवाडी.

कोकणवासीयांच्या संकल्पनांना, सृजनशिलतेला, नवनिर्मितीला, नवकौशल्याला वाव देण्यासाठी *”मेक ईन कोकण”* अंतर्गत भारतीय जनता पार्टी आयोजित भव्य “उद्योग, व्यवसाय, रोजगार महोत्सव २०२५” मध्ये सहभागी उत्पादनांची विक्री प्रदर्शनांची आज सांगता झाली.

भारतीय जनता पार्टीचे ‘युवा नेते विशाल परब यांच्या वाढदिवसानिमित्त’ आत्मनिर्भर कोकण या अभियानाअंतर्गत ‘मेक ईन कोकण’ ला चालना देण्यासाठी भव्य “उद्योग, व्यवसाय, रोजगार महोत्सव”चे आयोजन करण्यात आले होते.

या प्रदर्शनाला युवा नेते विशाल परब व त्यांच्या पत्नी सौ. वेदिका विशाल परब यांनी आज रवीवारी संध्याकाळी भेट दिली. सहभागी स्टॉल धारकांशी संवाद साधला. महिला मंडळं, महिला बचत गट ते सर्व क्षेत्रातील उद्योजकांची उत्पादनं, स्थानिक उद्योजकांशी परब दांपत्यानी चर्चा केली. वेळेत अर्थहाय्य, उत्पानाला प्रोत्साहन आणि उत्पादनांना बाजारपेठ मिळवून देणारी एक स्थानिक व्यवस्था असली पाहिजे अशी मागणी उद्योजकांनी केली. एकूणच कोकणवासियांत अससलेली जिद्द व चिकाटी आजही कायम आहे. हे प्रदर्शनाने सिध्द केलं आहे. हा उद्योजक महोत्सव पुढील वर्षी मोठ्याप्रमाणात आयोजित करून *मेक ईन कोकण* उत्पादनांना जागतिक स्तरावर ओळख निर्माण करून देण्यासाठी सर्वांनी एकत्रीत प्रयत्न करण्याचा निर्धार सावंतवाडी भाजपा व विशाल परब यांनी केला.

याप्रसंगी जिल्हा सरचिटणीस महेश सारंग, सावंतवाडी मंडल अध्यक्ष सुधीर आडीवरेकर, सोशल मिडिया प्रमुख केतन आजगावकर, जिल्हा उपाध्यक्ष प्रसन्न उर्फ बाळू देसाई, (जि. का. सदस्य) सुहास गवंडळकर, अँड. संजु शिरोडकर , अजय गोंधावळे , मोहीनी मडगांवकर , विजय रेडकर आदि मान्यवर होते.