🛑सेवांगण कट्टाच्या रौप्यमहोत्सवी शिष्यवृत्ती वर्गाचा शुभारंभ..

🖋️लोकसंवाद /- मसूरे.

बॅ नाथ पै सेवांगण कट्टा येथे ५ वी शिष्यवृती व ८ वी NMMS या मोफत शिष्यवृती वर्गाचा शुभारंभ करण्यात आला. या शिष्यवृत्ती वर्गाचे हे २५ वर्ष आहे. सन २००० साली या शिष्यवृत्ती वर्गाचा शुभारंभ करण्यात आला होता.या कार्यक्रमात सेवांगणचे विश्वस्त दीपक भोगटे यानी पालक व विद्यार्थी याना मार्गदर्शन केले.त्यावेळी बोलताना त्यांनी सेवांगणचे मोफत शिष्यवृत्ती वर्ग सातत्याने २५ वर्ष सुरू असून यासाठी परिसरातील ३० पेक्षा जास्त शिक्षकानी विनामूल्य मार्गदर्शन केले आहे.

या वर्गाचा २००० पेक्षा जास्त विद्यार्थ्यानी लाभ घेतला अजून आजपर्यंत १६७ विद्यार्थी गुणवत्ता यादीत झळकले असून त्यांना शिष्यवृत्ती मिळाली आहे.
यावर्षी २५ विद्यार्थी गुणवता यादीत येण्यासाठी सर्व पालक व विद्यार्थी यांनी कठोर परिश्रम करावेत व नियमीत येवून या वर्गाचा लाभ घ्यावा अस आवाहन
भोगटे यांनी केले.

या शिष्यवृत्ती वर्गाला अनेक वर्ष मार्गदर्शन करणारे नांदोसकर गुरुजी यानी मुलाना व पालकाना मौलीक मार्गदर्शन केले. स्पर्धा परिक्षांची ही प्राथमिक परीक्षा असून पुढील उज्वल यशासाठी ही परीक्षा महत्वाची आहे. पालकानी मुलाना अभ्यासात मदत करावी व त्यांची गुणवत्ता वाढवावी असं आवाहन त्यांनी केले.शिक्षीका संपदा भाट यांनी सेवांगण कट्टा शाखा सातत्याने २५ वर्ष हा उपक्रम सातत्याने चालवत आहेत या बद्दल खूप कौतुक केले. कट्टा दशक्रोशीत अनेक शैक्षणिक उपकमाद्वारे सेवांगणने शैक्षणिक गुणवत्ता वाढवली असून
आपले नेहमीच सहकार्य राहील
असे सांगितले.

या शिष्यवृत्ती वर्गाचे प्रमुख मार्गदर्शक मनोज काळसेकर यांनी संपूर्ण वर्गाची रुपरेषा पालकाना समजावून सांगितली. वर्षभराचे नियोजन विद्यार्थ्या ना दिले. व सर्वानी नियमित वर्गात येणे आवश्यक असल्याचे सांगितले.
सर्व मुलाना प्रा मधु दंडवते , शाहू महाराज व अंधश्रध्देवरील पुस्तके स्पर्धात्मक कामासाठी वाचनासाठी देण्यात आली.
या कार्यक्रमास कट्टा शाखेचे अध्यक्ष
बापू तळावडेकर, दीपक भोगटे, नांदोससकर गुरुजी, संपदा भाट, मनोज काळसेकर, विद्याधर चिंदरकर, भोजणे, बाळकृष्ण गोंधळी पालक शिक्षक व विद्यार्थी उपस्थित होते.