🛑मालवणमधील निकृष्ट कामाची चौकशी होणार.;गणेश वाईरकर.

🖋️लोकसंवाद /- मालवण.

मालवण बंदरजेटी येथे सुमारे १.३५ कोटी खर्चून जे काम करण्यात आले. ते ठेकेदार आणि अधिकारी यांच्या भ्रष्ट कारभारामुळे पहिल्याच पावसात वाहून गेलेले दिसून आले. या कामाची चौकशी व्हावी यासाठी महाराष्ट्र नवनिर्माण सेना सातत्याने पाठपुरावा करत आहे. या संदर्भात जिल्हाधिकारी यांना यासंबंधित निवेदन दिले आहे. आणि यापुढे ही जाऊन लाचलुचपत विभागामार्फत सुद्धा चौकशी करण्यासाठी लवकरच लाचलुचपत विभाग अधिकाऱ्यांची भेट घेऊन सर्व पुरावे सादर केले जाणार असल्याची माहिती मनसे उपजिल्हाध्यक्ष श्री गणेश वाईरकर यांनी दिली.
मालवण शहराचे नाव पर्यटन क्षेत्रात अग्रक्रमाने घेतले जाते. आणि याच मालवण मधे अशी निकृष्ट दर्जाची कामे करून मालवणची प्रतिमा खराब करण्याचे काम महाराष्ट्र मेरिटाईम बोर्ड यांच्याकडून करण्यात आली असा आरोप श्री वाईरकर यांनी केला आहे.अशी निकृष्ट दर्जाची कामे करणाऱ्या ठेकेदारांना काळ्या यादीत समाविष्ट करून संबंधित अधिकारी यांना तत्काळ निलंबित करावे अशी मागणी महाराष्ट्र नवनिर्माण सेनेच्या वतीने करण्यात येत आहे.