🛑शाळा राणी लक्ष्मीबाई कन्याशाळेत शाळा प्रवेशोत्सव उत्साहात संपन्न.

🖋️लोकसंवाद /- वेंगुर्ला.

शाळा राणी लक्ष्मीबाई कन्याशाळेत शाळा प्रवेशोत्सव उत्साहात संपन्न झाला. या कार्यक्रमाचे उद्घाटन शालेय व्यवस्थापन समिती अध्यक्ष श्री जयेश अनिल मांजरेकर आणि श्रीम. शर्मिष्ठा सामंत- पर्यवेक्षिका पंचायत समिती वेंगुर्ला यांचे हस्ते करण्यात आले.सर्व प्रथम इयत्ता पहिलीतील विद्यार्थ्यांचे श्रीम.मुग्धा कनयाळकर यांनी औक्षण करून गुलाबपुष्प देऊन स्वागत केले.तसेच पहिलं पाऊल उमटवून विद्यार्थी शाळेमध्ये प्रवेशित झाले.मुख्याध्यापिका श्रीम.प्रतिमा पेडणेकर यांनी उपस्थित सर्व मान्यवरांचे गुलाब पुष्प देऊन स्वागत केले.

त्यानंतर मान्यवरांच्या उपस्थितीत विद्यार्थ्यांना पाठ्यपुस्तके, गणवेश आणि बूट व पायमोजांचे वितरण करण्यात आले.यावेळी श्रीम. शर्मिष्ठा सामंत मॅडम यांनी पालकांना मार्गदर्शन केले.या कार्यक्रमास शालेय व्यवस्थापन समिती अध्यक्ष श्री. जयेश मांजरेकर, उपाध्यक्षा श्रीम. आरती नेरुरकर,माता पालक संघाच्या उपाध्यक्षा श्रीम.अनुष्का राजापूरकर , अंगणवाडी सेविका सौ पालव मॅडम आणि सर्व पालक वर्ग उपस्थित होते.कार्यक्रमाचे शेवटी सर्वांचे आभार मानून कार्यक्रमाचा समारोप करण्यात आला.