🛑सावंतवाडी पालिकेच्या स्वच्छता निरीक्षकपदी सावंत.

🖋️लोकसंवाद /- सावंतवाडी.

सावंतवाडी नगरपरिषदेचे स्वच्छता निरीक्षक पांडुरंग नाटेकर यांची कुडाळ नगरपंचायतीत बदली झाली असून त्यांच्या जागी कणकवली नगरपंचायतीत कार्यरत असलेले विनोद सावंत यांची नियुक्ती करण्यात आली आहे. सावंत हे पूर्वी सावंतवाडी नगरपरिषदेत कार्यरत होते आणि नगरपरिषदेने स्वखर्चाने त्यांना सॅनिटरी इन्स्पेक्टरच्या प्रशिक्षणासाठी पाठविले होते.
पांडुरंग नाटेकर यांनी सावंतवाडीत स्वच्छता निरीक्षक म्हणून केलेल्या कामाच्या अनुभवाचा फायदा आता कुडाळ नगरपंचायतीला मिळणार आहे. विनोद सावंत यांनी यापूर्वी सावंतवाडीत काम केलेले असल्याने त्याचा फायदा होणार आहे. त्यांनी हजर झाल्यानंतर नगरपरिषदेच्या कंत्राटी कामगारांशी चर्चा केली. कामगारांनी आपल्या समस्या मांडल्या.