🛑पती पाठोपाठ केवळ दोनच दिवसांनी पत्नीचेही दुर्दैवी निधन.

🖋️लोकसंवाद /- कुडाळ.

पती पाठोपाठ केवळ दोनच दिवसांनी पत्नीचेही दुर्दैवी निधन झाल्याची हृदय स्पर्शी घटना आंदुर्ले खिंड (ता.कुडाळ) येथे घडली.याबाबत सविस्तर माहिती अशी,आंदुर्ले खिंड येथील रहिवासी (मुळ – परूळे गवाण ता.वेंगुर्ले) गजानन दिगंबर गवाणकर ( वय ८४) हे आपल्या पत्नी,मुलगा आदी सह आंदुर्ले खिंड येथे राहत होते.गवाणकर हे सैन्यात सेवेत होते.निवृत्ती नंतर त्यांनी आंदुर्ले खिंड येथे जमीन खरेदी करून गत सुमारे पंचवीस वर्षांपासून राहत होते.
गत रविवारी त्यांचे अल्प आजाराने निधन झाले. त्यांच्या पश्चात पत्नी दोन मुलगे सुन,असा परिवार होता.आंदुर्ले कुंभारभाटले येथे त्यांच्यावर अंत्यसंस्कार करण्यात आले.त्यांच्या मृत्यूनंतर केवळ दोनच दिवसांनी त्यांच्या आजारी पत्नीचेही ( श्रीमती गीता गजानन गवाणकर ७९ ) सोमवारी निधन झाले.गवाणकर हे शिस्त प्रिय ,मनमिळाऊ स्वभावाचे होते.त्यांची पत्नी मात्र गेली बरेच दिवस आजारी असल्याने अंथरूणाला खिळुन होती.पतीच्या केवळ दोनच दिवसांनी, पत्नीचेही दुःखद निधन झाले. दोघांच्या ही अंत्यसंस्कारावेळी समाजातील सर्व स्तरातील लोक उपस्थित होते.आता त्यां उभयतांच्या पश्चात दोन मुलगे,सुन असा परिवार आहे.आंदुर्ले खिंड येथील फोटोग्राफर राजेंद्र गवाणकर यांचे ते आई – वडील होत.