गुरुवारी पहाटे विजेच्या कडकडा सह अवकाळी पावसाची सिंधुदुर्गात हजेरी.

लोकसंवाद /- सिंधुदुर्ग.

गेले दोन ते तीन दिवस हवामान खात्याने सिंधुदुर्ग जिल्ह्याला यल्लो अलर्ट दिला असून तो अलर्ट तंतोतंत खरा होताना दिसत आहे.आज गुरुवारी सिंधुदुर्ग जिल्ह्यातील सावंतवाडी, कुडाळ तसेच जिल्ह्यातील वेगवेगळ्या ठिकाणी पहाटे लोक साखरझोपेत असताना अवकाळी पावसाने हजेरी लावली.यात सावंतवाडी शहरात गुरुवारी पहाटे तीन ते चार वाजण्याचा सुमारास अवकाळी पावसाने दमदार हजेरी लावली.त्यामुळे सिंधुदुर्गातील  बळीराजाजी चिंता अधिकच वाढली आहे.कारण सध्याचा एप्रिल महिना हा बळीराजाचा आंबा, काजू या प्रमुख पिकांचा हंगाम सुरु आहे आणि यात अवकाळी पावसामुळे या पिकांचे मोठे नुकसान होणार आहे.त्यामुळे आता या अवकाळी पावसामुळे आंबा बागायतदार चिंतेत पडला आहे.तसेच या अवकाळी पावसामुळे सर्वसामान्य नागरिकांना गर्मीच्या समस्यांना सामोरे जावे लागणार आहे.