महीलेचा विनयभंगाचे गुन्हयात आरोपी यांचे विरुदध कुडाळ पोलीसांनी 24 तासाच्या आंत दाखल केले दोषारोप पत्र.

लोकसंवाद /- कुडाळ.

महीलांवर झालेल्या अन्यायाचे गुन्हयामध्ये तात्काळ तपास करुन दोषारोप पत्र मा. न्यायालयात दाखल करण्याबाबत मा. पोलीस अधीक्षक, सिंधुदुर्ग श्री सौरभकुमार अगरवाल, मा. अपर पोलीस अधीक्षक, सिंधुदुर्ग श्री कृषिकेश रावले यांनी आदेश पारीत केलेले होते. जेणे करुन अन्याय झालेल्या महीलांना न्याय तात्काळ मिळेल व आरोपीत यांना वेळीच शासन होण्यास मदत होणार आहे.

कुडाळ पोलीस ठाणे हददीत दि. २३.०३.२०२५ रोजी गणेशनगर कुडाळ येथे फिर्यादी विद्या विनायक कुडाळकर, वय ४७ वर्षे रा. गणेश नगर, ता. कुडाळ यांचे शेजारी राहणारे आरोपी नामे १) संतोष गोविंद कुडाळकर वय ५१ वर्षे २) सरस्वती गोविंद कुडाळकर, वय ८४ वर्षे, दोन्ही रा. गणेशनगर, कुडाळ यांनी कुंपन साफ करीत असताना फणसाचे झाड तोडण्याबाबत फिर्यादी यांनी त्यांना विचारणा केली या कारणावरुन आरोपीत यांनी फिर्यादी यांना ढकलून अश्लिल बोलुन, शिवीगाळ करुन, मारण्याची धमकी दिली त्याबाबत फिर्यादी यांनी दिले तक्रारीवरुन आरोपी याचे विरुदध कुडाळ पोलीस ठाणे येथे दि. २३.०३.२०२५ रोजी १५-०२ वाजता गुन्हा दाखल करण्यात आलेला होता. वरीष्टांनी दिलेल्या आदेशाप्रमाणे कुडाळ पोलीस ठाण्याचे पोलीस निरीक्षक श्री राजेंद्र मगदुम यांनी सदर गुन्हयाची तात्काळ दखल घेवून सदर गुन्हयाचा तपास सुरु करुन आरोपीत याचे विरुदध सबळ पुरावा गोळा करुन दोषारोप पत्र २४ तासाचे आंत मा.प्रथम वर्ग न्याय दंडाधिकारी, कुडाळ यांचे न्यायालयात दाखल केलेले आहे.सदरची कारवाई ही मा पोलीस अधीक्षक सिंधुदुर्ग श्री सौरभ कुमार अग्रवाल, मा अपर पोलीस अधीक्षक श्री कृषिकेश रावले, मा उप विभागीय पोलीस अधिकारी श्री विनोद कांबळे, कुडाळ पोलीस ठाण्याचे पोलीस निरीक्षक श्री राजेंद्र मगदूम यांचे मार्गदर्शनाखाली कुडाळ पोलीस ठाण्याचे अंमलदार देवानंद माने, सचिन गवस, जीवन कुडाळकर, योगेश मुंढे यांनी केलेली आहे.