🛑अखेर मंत्री दीपक केसरकर यांच्या उपस्थितीत प्रवीण गवस यांच्या नेतृत्वाखाली सूरू असलेले सरपंच सेवा संघटनेचे उपोषण मागे.

🖋️लोकसंवाद /- दोडामार्ग.

हत्ती पकड मोहीम राबवा व योग्य प्रतिबंधक उपाययोजना करा यासाठी स्वराज्य सरपंच सेवा संघटनेचे जिल्हा अध्यक्ष प्रवीण गवस यांच्या नेतृत्वाखाली उपोषण शुक्रवार दि- ०७ मार्च पासून सुरू होते. अखेर हे उपोषण शनिवारी रात्री उशिरा पालकमंत्री नितेश राणे व आमदार दीपक केसरकर यांच्या आश्वासना नंतर मागे घेण्यात आले.

गेल्या अनेक वर्षांपासून तिलारी खोऱ्यात हत्तींचा वावर आहे.त्यामुळे तेथील शेतकऱ्यांना अनेक समस्यांना सामोरे जावे लागत आहे.वन विभाग मात्र यावर ठोस उपाय योजना करताना दिसत नाही. अनेक वेळा हत्ती पकड मोहीम राबवा अशी मागणी करून सुद्धा वन विभाग त्याची दखल घेत नव्हते. त्यामुळे हत्ती पकड मोहीम राबवा व योग्य प्रतिबंधक उपाययोजना करा अन्यथा बेमुदत उपोषण करू असा इशारा सरपंच सेवा संघटनेने वन विभागला निवेदनाद्वारे दिला होता. मात्र त्यावर कोणताही निर्णय न झाल्याने स्वराज्य सरपंच सेवा संघटना जिल्हा अध्यक्ष प्रवीण गवस यांच्या नेतृत्वाखाली शुक्रवारी दोडामार्ग वन विभागाच्या कार्यालया समोर उपोषणाला बसली होती.यात तालुक्यातील सर्व सरपंच, उपसरपंच, सदस्य व शेतकरी मोठ्या प्रमाणावर सहभागी झाले होते. तसेच सर्व राजकीय पक्षांनी या उपोषणाला पाठिंबा देखील दिला होता.

शनिवारी दुपार नंतर उपोषणा दरम्यान मुख्य उपोषणकर्ते व सरपंच सेवा संघटनेचे जिल्हा अध्यक्ष प्रवीण गवस व त्यांचे सहकारी समीर देसाई यांची तब्येत बिघडली व त्यांना दोडामार्ग ग्रामीण रुग्णालयात उपचार करण्यासाठी नेण्यात आले. उपचार सुरू असताना पालकमंत्री नितेश राणे यांनी फोन द्वारे संवाद साधत वन मंत्र्यां सोबत बैठक लावून कायम स्वरुपी तोडगा काढू,पालक मंत्री तुमच्या घर चा माणूस आहे त्यामुळे चिंता करण्याची गरज नाही,यात मी पालकमंत्री म्हणून लक्ष घालून जर अधिकारी दोषी असतील तर त्यांच्यावर कारवाई करू असे मंत्री नितेश राणे यांनी बोलताना सांगितले.

त्यानंतर आमदार दीपक केसरकर, भाजप जिल्हा अध्यक्ष प्रभाकर सावंत, जिल्हा बँक अध्यक्ष मनीष दळवी, उद्धव बाळासाहेब ठाकरे शिवसेना जिल्हा प्रमुख बाबुराव धुरी, भाजप चे महेश सारंग तसेच इतर राजकीय नेत्यांनी त्यांची रुग्णालयात जाऊन भेट घेतली.

या नंतर कोल्हापूर येथून मुख्य वन संरक्षक यांनी उपोषण स्थळी भेट दिली व हत्ती पकड मोहिमेसाठी येत्या दोन दिवसांत नियोजन करू यासाठी सरपंच सेवा संघटनेचे पदाधिकारी व शेतकऱ्यांचे प्रतिनिधी यांच्या सोबत हत्ती पकड मोहिमे संदर्भात बैठक लावणार असल्याचे त्यांनी सांगितले आहे.

वन मंत्र्यां सोबत बैठक लावून कायम स्वरुपी तोडगा काढू असे पालकमंत्री नितेश राणे व आमदार दीपक केसरकर यांनी दिलेल्या आश्वासना नंतर अखेर प्रवीण गवस व सहकाऱ्यांनी आपले उपोषण मागे घेतले.

यावेळी माजी मंत्री दीपक केसरकर, भाजप जिल्हा अध्यक्ष प्रभाकर सावंत, जिल्हा बँक अध्यक्ष मनीष दळवी, उद्धव बाळासाहेब ठाकरे शिवसेना जिल्हा प्रमुख बाबुराव धुरी, भाजप चे महेश सारंग, भाजप तालुका अध्यक्ष सुधीर दळवी, कसई दोडामार्ग नगरपंचायत चे नगराध्यक्ष चेतन चव्हाण, राजेंद्र निंबाळकर, संतोष नानाचे, गोपाळ गवस, मदन राणे, संदेश राणे, संतोष मोर्ये, दत्ताराम देसाई, सुमित गवस, स्वप्नील देसाई, प्रशांत दळवी, चेतना गडेकर, यांसह तालुक्यातील सरपंच, उपसरपंच, सदस्य, शेतकरी मोठ्या प्रमाणावर उपस्थित होते.

*हत्ती पकड मोहिमेसाठी व प्रतिबंधक उपाययोजना साठी निधी कमी पडू देणार नाही;आम. केसरकर.*

आमदार दीपक केसरकरांनी वन विभागाच्या अधिकाऱ्यांना चांगलेच धारेवर धरले. व आपल्या कडून हत्ती पकड मोहिमेसाठी व प्रतिबंधक उपाययोजना साठी निधी कमी पडू देणार नाही असे देखील त्यांनी बोलताना सांगितले.