🛑सावंतवाडी शहरातील एका बँकेत कर्मचाऱ्यानेच केला लाखो रुपयाचा अपहार..

🖋️लोकसंवाद /- सावंतवाडी.

सावंतवाडी शहरातील एका बँकेत कार्यरत असलेल्या कर्मचाऱ्याने ग्राहकांचे एफडी बंद करून तब्बल 6 लाख 24 हजार रूपयाचा अपहार केला आहे.या प्रकरणी संबंधित कर्मचाऱ्यावर सावंतवाडी पोलिस ठाण्यात गुन्हा दाखल करण्यात आला आहे.याबाबतची तक्रार सागर नाईक वय वर्षे 39 रा. रत्नागिरी.याने सावंतवाडी पोलीस ठाण्यात दिली आहे.त्यानुसार वैभव सावंत रा. उपरलकर-नाका, सावंतवाडी यांच्यावर गुन्हा दाखल करण्यात आला आहे.याबाबतची तक्रार सावंतवाडी पोलीस ठाण्याचे अमंलदार लक्ष्मण काळे यांनी दिली.यात नाईक यांनी दिलेल्या तक्रारीनुसार 28 डिसेंबर 2022 ते 24 जून 2024 या काळात वैभव सावंत हा बँकेत कार्यरत होता.यावेळी त्याने आपल्या पदाचा गैरवापर करून त्या ठिकाणी खाते असलेल्या सौ.विजया सावंत व सुभाष तारी यांचे एफडी अकाउंट बंद करून 6 लाख 24 हजार एवढी रक्कम आपल्या पत्नी व आपल्या आईच्या नावे ट्रान्सफर करून बँकेची फसवणूक केली आहे.याप्रकरणी त्याच्यावर गुन्हा दाखल करण्यात आला आहे.