🛑महाराष्ट्र राज्य प्राथमिक शिक्षक समिती महिला आघाडी शाखा वेंगुर्ला मार्फत आयोजित सन्मान नारी शक्तीचा कार्यक्रम उत्साहात संपन्न.

🖋️लोकसंवाद /- वेंगुर्ला.

आंतरराष्ट्रीय महिला दिनाचे औचित्य साधून महाराष्ट्र राज्य प्राथमिक शिक्षक समिती महिला आघाडी शाखा वेंगुर्ला मार्फत सन्मान नारी शक्तीचा हा उपक्रम आयोजित करण्यात आला होता. या उपक्रमामध्ये वेंगुर्ला तालुक्यातील दोन कर्तृत्ववान तसेच बिकट परिस्थिती मध्ये आपल्या कुटुंबाचा सांभाळ करणाऱ्या स्त्रियांचा सन्मान करण्यात आला. राणी लक्ष्मी कन्याशाळा वेंगुर्ला येथे हा कार्यक्रम संपन्न झाला. शाल श्रीफळ व पोस्टाचे बचत पत्र(१३०००₹) आणि रोख रक्कम(१०००₹) असे या सन्मानाचे स्वरूप होते.

या कार्यक्रमासाठी अध्यक्ष म्हणून वेंगुर्ला शिक्षक समितीचे तालुकाध्यक्ष श्री. सिताराम नाईक हे अध्यक्ष होते तर जिल्हा सचिव श्री.तुषार आरोसकर , माजी पतपेढी अध्यक्ष श्री.नारायण नाईक , शिक्षण विस्तार अधिकारी श्री.रामचंद्र कोनकर , जिल्हा कोषाध्यक्ष श्री.कालिदास खानोलकर ,शिक्षक पतपेढी वेंगुर्ला शाखा संचालक श्री. सिताराम लांबर, शिक्षक समिती जिल्हा सल्लागार श्री. त्रिंबक आजगावकर , शाळा व्यवस्थापन समिती अध्यक्ष श्री.मांजरेकर , माता पालक उपाध्यक्षा श्रीम.नेरुरकर हे उपस्थित होते.

महिला आघाडी शाखा वेंगुर्ला ने महिला दिनानिमित्त आयोजित केलेला सन्मान नारी शक्तीचा हा अतिशय स्तुत्य उपक्रम असून या उपक्रमामुळे ज्या सत्कारमूर्ती महिला आहेत त्यांच्या जीवनात आनंद निर्माण करण्याचा केलेला प्रयत्न आहे असे प्रतिपादन जिल्हा सचिव श्री तुषार आरोसकर यांनी केले. या कार्यक्रम प्रसंगी उपस्थित मान्यवरांनी आपली मनोगत व्यक्त केली.

या कार्यक्रमासाठी तालुका सरचिटणीस प्रसाद जाधव , तालुका प्रवक्ता श्री.किरण मुडशी, विभागीय अध्यक्ष श्री. रामा पोळजी, जिल्हा कार्यकारिणी सदस्य श्रीम.स्मिता तांडेल , तालुका सहसचिव श्री.ज्ञानेश्वर हरमलकर , श्रीम.सुप्रिया भाटकर , श्रीम. स्नेहा परब , श्रीम.सीमा तुळसकर , श्री.गणेश आजबे , श्री.सचिन ठाकरे , श्री.मारुती गुडुळकर, श्री.विशाल जाधव,श्रीम. मुग्धा कनयाळकर श्रीम.अर्चना रेडकर , श्रीम. मेदिनी रेडकर ,श्रीम.मेघा पवार श्रीम.नीना मार्गी,श्रीम.समृद्धी पेडणेकर आदी शिक्षक समिती पाईक मोठ्या प्रमाणात उपस्थित होते.

कार्यक्रमाचे सूत्र संचालन श्रीम. ऋतिका राऊळ, प्रस्तावना महिला आघाडी तालुका सचिव आणि श्रीम. नेहा गावडे , तर आभार प्रदर्शन महिला आघाडी वेंगुर्ला महिला नेत्या श्रीम.प्रतिमा पेडणेकर यांनी केले.