🛑तालुका प्रमुख राजन नाईक यांनी आपला व्यवसाय घोषीत करावा.;नगरसेवक उदय मांजरेकर.

✍🏼लोकसंवाद /- कुडाळ.

कुडाळ तालुका प्रमुख राजन नाईक यांनी आम्हा नगरसेवकांवर शिंतोडे उडविण्यापेक्षा त्यांनी आपला व्यवसाय जाहीर करावा असे खुले आव्हान नगरसेवक उदय मांजरेकर यांनी केले.
आज पत्रकार परिषदेत राजन नाईक यांनी आमचा भाजपा प्रवेश स्वतः च्या स्वार्थासाठी असा आरोप केला यावर आपली प्रतिक्रिया व्यक्त करताना श्री मांजरेकर म्हणाले राजन नाईक यांचा आता पर्यंत व्यवसायच कळलेला नाही. माजी खासदार साहेब श्री. विनायक राऊत , माजी आमदार साहेब श्री. वैभव नाईक यांनी कार्यकर्ता जगविण्यासाठी जो फंड दिला त्यावर म्हणजे केलेल्या रस्ताच्या कामांवर पैसे काढणे व टक्केवारी घेणे ही तर एक पैसा कमविण्याची सोपी पद्धत श्री. राजन नाईकांची होती. तसेच कुडाळ प्रांत माजी सौ. वंदना खरमाळे यांची जिल्हाधिकारी सिंधुदुर्ग यांच्याकडे परमार प्रकरणात तक्रार करणे आणि नंतर त्याच संदर्भात तडजोड करणे हे आम्ही शिवसेनेत असताना बघितलेले आहे. या उलट मेलेल्या माणसांच्या टाळुवरचं लोणी खाण्यात राजन नाईक यांचा हातखंडा आहे. कै. देवेंद्र पडते यांच्या स्मरणार्थ कोरोना काळात शिवसेना जिल्हाप्रमुख श्री. संजय पडते यांच्या सौजन्याने मोफत जेवण व्यवस्था केली त्या वेळी कडधान्य, तांदुळ हे आपल्या घरात भरण्याचे काम राजन नाईक यांनी केले असा आरोप करीत आमच्या वर स्वार्थासाठी पक्ष बदल केला म्हणून सांगणारे राजन नाईक यांनी स्वतः किती धुतल्या तांदळाचे आहेत हे आधी त्यांनी पहावे. तसेच मा. आमदार श्री. वैभव नाईक साहेब , माजी खासदार श्री. विनायक राऊत साहेब संपर्क प्रमुख श्री. अरुण दुधवडकर साहेब यांच्या चुलीवर आंदण ठेवुन आपला उदरनिर्वाह करणा-या राजन नाईक यांनी आम्हाला तत्वज्ञान शिकवु नये. पुढे पुढे त्यांची सर्व प्रकारची अजून भांडाफोड आम्ही करु असे सांगुन तुमची निष्ठा पक्षावर किती व नेत्यावर किती हे आम्ही जवळुन पाहीलेले आहे. आमच्या वर तावातावाने बोलुन श्री. राजन नाईक यांनी आता पर्यंत तावच मारत आले असुन सत्ता असताना राणे समर्थक यांच्या कडे उबाठा चे प्रवेश चालु होते त्या वेळी श्री नाईक हे कोणाची भांडी घासत होते? खरं तर तालुका प्रमुख राजन नाईक असे पर्यंत कुडाळ तालुकयातील शिवसेना अधोगतीकडे जाणार याचा संघटनेने विचार करण्याची गरज आहे असा आरोप श्री मांजरेकर यांनी केला.
. तसेच नगरसेवक म्हणून माझी पात्रता होती म्हणूनच मला पक्षाने तिकीट दीले मात्र तालुका प्रमुख म्हणून राजन नाईक यांची निवडुन येण्याची पात्रता नव्हती म्हणून श्री राजन नाईक यांना पक्षाने तिकिटच दिले नव्हते, कायमच भैरववाडी वार्ड मध्ये रहाणारे श्री नाईक हे पक्षासाठी कधीही लीड देऊ शकले नाहीत हा खरा इतिहास आहे. माजी नगराध्यक्ष श्री ओमकार तेली यांच्या कार्यप्रणालीवर व धडाकेबाज कामामुळे श्री राजन नाईक याचे स्वार्थी राजकारण वाहुन गेले असा आरोप श्री उदय मांजरेकर यांनी केला.
आतापर्यंत पक्षाची भूमिका मांडण्यासाठी एकही पत्रकार परिषद घेतली नाही. फक्त वयक्तिक टीका करण्यासाठी आणि वयक्तिक तडजोडीसाठी पत्रकार परिषद घेतली जाते. असे का असा सवाल श्री उदय मांजरेकर यांनी केला.