कारिवडे- चराठा परिसरात चोरट्यांचे भुरट्या चोरांचा सुळसुळाट.;डंपर सहा टायर चोरट्यांनी केले गायब..

लोकसंवाद /- सावंतवाडी.

सावंतवाडी तालुक्यातील कारिवडे,चराठा या भागात भुरट्या चोरांचा जोरदार चोरीचा सुळसुळाट वाढला आहे.या भागातील काही घरे,बंद कारखाने याचा फायदा घेऊन या ठिकाणी भुरट्या चोरट्यांकडून विहिरीचे पाईप,लोखंडी वस्तू चोरीच्या घटना वाढल्या आहेत.भुरटे घरात किंवा शेतात कुणी नसल्याचा फायदा घेऊन पंपाचे पाईप, मोटार, भिडाच्या वस्तू रात्रीच्या वेळी चोरून नेत आहेत.त्यामुळे नागरिक हैराण झाले आहेत.चोरांकडून वायर, गाड्यांचे टायर अश्या साहित्याची चोरी करून नेत आहेत. त्यामुळे पोलिसांनी पेट्रोलिंग करून दखल घ्यावी अशी मागणी जागरूक नागरींकांमधून होत आहे.चोरांनीची एक टोळी कार्यरत असल्याचे म्हटले जात आहेत.अपघातग्रस्त गाड्यांचे टायर,बॅटरी तसेच आतील माल चोर चोरी करीत आहेत.बांदा भागातील नवीन डंपर या टोळीने माडखोल धरणाजवळ पळवून आणला व या डंपरचे सहाही टायर चोरून डंपर तेथेच सोडून पसार झाले.त्यामुळे पोलिसांनी चोरट्यांवर कारवाई करावी,अशी मागणी जनतेतून होत आहे.