🛑लक्ष्मीबाई सिताराम हळबे महाविद्यालयात मानसिक आरोग्य आणि ताणतणाव मार्गदर्शन संपन्न..

✍🏼लोकसंवाद /- दोडामार्ग.

दोडामार्ग येथील लक्ष्मीबाई सीताराम हळबे महाविद्यालय दोडामार्ग येथे मानसिक आरोग्य आणि ताणतणाव या संदर्भात राष्ट्रीय सेवा योजना विभागाच्या वतीने समुपदेशन करण्यात आले. त्यात विद्यार्थ्यांना संतुलित आहार,पुरेशी झोप,व्यायाम,वेळेचं नियोजन,शारीरिक हालचाल,दृढ आत्मविश्वास,किशोरावस्थे मधील शारीरिक व मानसिक बदल याविषयी माहिती देण्यात आली तसेच नैराश्य,चिंता,व्यसन,लठ्ठपणा यांच्या दुष्परिणामांची माहिती देण्यात आली. तसेच आवडते छंद,सामाजिक संवाद,सलोखा,मैत्रीपूर्ण सामजिक संबंध याविषयी विश्लेषणात्मक माहिती देण्यात आली.तसेच मोबाईलचा वाढता वापर व त्याचे दुष्परिणाम यावर प्रकाश टाकण्यात आला.सदर कार्यक्रमाला महाविद्यालयाचे प्राचार्य डॉक्टर सुभाष सावंत , राष्ट्रीय सेवा योजना विभागाच कार्यक्रमाधिकारी प्रा.डॉ . संजय खडपकर , प्रा. दिलीप बर्वे डॉक्टर राजेंद्र इंगळे आणि शिक्षकवृंद उपस्थित होते. यावेळी ग्रामीण रुग्णालय दोडामार्ग चे समुपदेशक श्री सचिन मोहिते यांनी समुपदेशन केले. व डॉ रामदास रेडकर ग्रामीण रुग्णालय दोडामार्ग यांनी मार्गदर्शन केले. कार्यक्रमाचे सूत्रसंचालन व प्रास्ताविक डॉक्टर संजय खडपकर यांनी केले तर आभार कुमारी सानिया गवंडकर हिने केल.