🛑कुडाळमद्धे लायन्स ऑटो एक्स्पो,इंडस्ट्रीयल कम भव्य फूड फेस्टिवल 28 ते31 डिसेंबरला..

✍🏼लोकसंवाद /- कुडाळ.

लायन्स क्लब ऑफ कुडाळ, सिंधुदुर्ग या सेवाभावी संस्थेतर्फे दिनांक २८,२९, ३० व ३१ डिसेंबर रोजी (रोज सायंकाळी ६.०० नंतर) कुडाळ हायस्कूल, कुडाळच्या भव्य मैदानावर ‘ऑटो-एक्सपो इंडस्ट्रियल-कम-फूड फेस्टिवल’ या महोत्सवाचे आयोजन करण्यात आले आहे. सुमारे ९० इंडस्ट्रियल,ऑटो एक्सपो, खाद्यपदार्थ व जनरल स्टॉल्स असलेले, सिंधुदुर्गातील हे भव्य फेस्टिवल आयोजित करण्यात आले आहे.अशी माहिती हॉटेल स्पाईस कोकण मद्धे झालेल्या पत्रकार परिषदेत लायन्स क्लब च्या मेंबर यांनी दिली आहे.

सिंधुदुर्ग जिल्ह्यामध्ये अशा प्रकारचा महोत्सव घेण्याची संकल्पना लायन्स क्लब ऑफ कुडाळ, सिंधुदुर्ग तर्फे प्रथमतः जिल्ह्यात १९९८ साली सुरू करण्यात आली होती. यावर्षीचे आयोजनाचे हे २३ वे वर्ष आहे.

सदरच्या महोत्सवामध्ये सर्व नामांकित ऑटोकंपन्यांच्या गाड्यांच्या वितरकांचे स्टॉल अनुभवण्यास मिळतील व हे ह्या वर्षीच्या महोत्सवाचे खास आकर्षण असणार आहे. या मध्ये एका छताखाली सर्व ऑटोकंपन्यांच्या गाड्यांचे मॉडेल्स उपलब्ध असतील. यामुळे गाडी खरेदीसाठी पर-शहरात जाण्याची गरज भासणार नाही. तसेच या महोत्सवात कार्यक्रमाचे सहप्रायोजक सारस्वत बँक यांच्याद्वारे कर्जाबाबतच्या विविध सुविधा देण्यात येणार आहेत. तसेच कार एक्सेज सुविधा पण ठेवण्यात आलेली आहे. जिल्ह्यावासियांना आपली कार खरेदी- एक्सेज करण्याची उत्तम संधी या महोत्सवात मिळणार आहे.

याबरोबरच सदर महोत्सवामध्ये इंडस्ट्रियल व जनरल स्टॉल्स साठी राज्यभरातून विविध प्रकारचे (हर्बल, आयुर्वेदिक, कॉसमेटिक प्रोडक्ट्स, शेती-घरगुती यंत्र इ.) स्टॉल्स अनुभवण्यास मिळणार आहेत. या सर्वांसोबतच खवय्यांसाठी मेजवानी म्हणून विविध प्रकारच्या खाद्यपदार्थांचे स्टॉल्स देखील उपलब्ध असतील. फूड-स्टॉल्समध्ये विशेष आकर्षणाचे रुचकर – चविष्ट पदार्थ, मराठमोळ्या खाद्य संस्कृतीने भरलेल्या चवदार पदार्थांचा आस्वाद घेण्यास मिळणार आहेत.

या महोत्सवात कार्यक्रमाचे सहप्रायोजक पाटणकर बंधू यांचे- लक्ष्मी ज्वेलर्स, कुडाळ तसेच सारस्वत बँक यांचे महत्वपूर्ण योगदान लाभले आहे. तसेच मा. आमदार निलेशानी राणे यांचे विशेष सहकार्य लाभले आहे.

दि. २८ डिसेंबर रोजी “लायन्स फेस्टिव्हल” या महोत्सवाचे उद्घाटन हे ‘लायन्स डिस्ट्रिक्ट 3234D1’ चे उपप्रांतपाल लायन श्री. विरेंद्र चिखले, तसेच महाराष्ट्र चेंबर ऑफ कॉमर्स, इंडस्ट्री अँड अॅग्रीकल्चरचे कोकण रीजन उपाध्यक्ष श्री. श्रीकृष्ण परब व कुडाळ – मालवण विधानसभेचे आमदार मा. श्री. आमदार निलेशजी राणे साहेब यांच्या उपस्थितीत होणार आहे.

दि. २८ रोजी संकल्प क्रीएशन, कुडाळ प्रस्तुत “नृत्यरंग 2024″ हा एक रोमांचक नृत्य महोत्सव आयोजित केला जात आहे. या कार्यक्रमात २० कलाकार विविध नृत्य प्रकारांमध्ये आपली कला सादर करणार आहेत. यामध्ये गणेश वर्दना, त्यानंतर गोंधळ, कोळी, लावणी, तसेच हिंदी आणि मराठी गाण्यांवर आधारित विविध नृत्यांचे नेत्रदीपक सादरीकरण केले जाईल. या मध्ये भारतातील शास्त्रीय, लोक नृत्या सोबत पश्चिमी नृत्य कलेचा कलाविष्कार कार्यक्रम सादर होईल.

दि. २९ रोजी जलवा 2024 हा एक अद्वितीय नृत्य महोत्सव आयोजित केला आहे, ज्यात २५-३० कलाकार विविध प्रकारचे नृत्य सादर करतील, ज्यात गणेश वदंना आणि लावणी जुगलबंदी यांचा समावेश आहे. विशेष आकर्षण म्हणजे मानवी देखावे, शिवराज्याभिषेक सोहळा, आणि हळद नृत्य, हे पारंपरिक भारतीय संस्कृतीचे दर्शन घडवनारी नृत्य असतील. याशिवाय प्रोफेशनल वेस्टर्न डान्स मुळे कार्यक्रमात आधुनिकतेचा स्पर्श देखील असेल.

दिनांक ३० रोजी सई एंटरटेनमेंट प्रस्तुत जल्लोष 2024″ हा डान्स अँड म्युझिकल लाईव्ह कंसर्ट आयोजित केला आहे, या कार्यक्रमात हर्षद मेस्त्री (स्वरकोकण रत्न), स्नेहल गुरव (प्रथितयश पार्श्वगायिका) आणि काश्मीरा सावंत (प्रथितयश पार्श्वगायिका) यांसारखे अद्वितीय आणि प्रतिभावान कलाकार आपल्या मनमोहक गाण्यांच्या सादरीकरणाने प्रेक्षकांना मंत्रमुग्ध करणार आहेत. तसेच खास आकर्षण म्हणून या दिवशी मराठी चित्रपट.

अभिनेत्री व नृत्यांगना श्वेता परदेशी हिचा अद्भुत नृत्यांगनेच्च्या अदाकारीचा अनुभव या वेळी मिळणार आहे.

दिनांक ३१ रोजी सई एंटरटेनमेंट प्रस्तुत Countdown Begins 2025” डान्स अँड म्युझिकल लाईव्ह कंसर्ट आयोजित केला आहे. या कार्यक्रमात एकत्रितपणे विविध वाद्यकार, गायक आणि नर्तक आपली कला सादर करणार आहेत. तसेच सुप्रसिद्ध गायकांच्या यादीत अनुष्का शिकतोडे (सूर नवा ध्यास नवा फेम), धनश्री कोरगावकर (महाराष्ट्राची हास्य जत्रा फेम), गणेश मेस्त्री (इंडियन आयडल फेम) आणि हर्षद मेस्त्री (स्वरकोकण रत्न) यांसारखे प्रतिभावन प्रसिद्ध कलाकार आहेत, जे आपल्या आवाजाने प्रेक्षकांना मंत्रमुग्ध करणार आहेत.

याशिवाय, उत्कृष्ट अभिनेत्री, मॉडेल, नृत्यांगना आणि कोरियोग्राफर मिनाक्षी पोशे, यांचे नृत्य सादरीकरण देखील असणार आहेत.

या चारही दिवसाच्या कार्यक्रमांमध्ये निलेश गुरव व बादल चौधरी यांचे बहारदार निवेदन रसिकांना अनुभवण्यास मिळेल.

३१ डिसेंबरच्या रात्री, नवीन वर्षाच्या स्वागतासाठी या अद्वितीय महोत्सवात सहभागी व्हा आणि एक अविस्मरणीय अनुभव मिळवा असे लायन्स क्लब ऑफ कुडाळ सिंधुदुर्ग तर्फे आवाहन करण्यात आले आहे.

या चार दिवसातील संस्मरणीय कार्यक्रमाच्या अनुभवाचा भाग बनण्यासाठी सर्व सिंधुदुर्गवासीयांची उपस्थिती प्रार्थनीय आहे.

जिल्यातील या भव्य लायन्स मोहोत्सावामध्ये सुमारे ५० हजार लोक भेट देणार आहेत. समाजातील सर्व स्थरातील लोकांसाठी हा लायन्स मोहोत्सव उर्जा देणारा, करमणुकीचा व लाभदायक ठरणार आहे.

लायन्स सेवा संकुल – अध्यक्ष (लायन अॅड. अमोल सामंत) लायन्स क्लब ऑफ कुडाळ सिंधुदुर्ग अध्यक्ष (लायन चंद्रशेखर पुनाळेकर) लायन्स ऑटो एक्स्पो, इंडस्ट्रीयल कम फूड फेस्टिवल- अध्यक्ष लायन. गणेश म्हाडदळकर यांनी या कार्यक्रमाचा सिंधुदुर्ग जिल्ह्यातील सर्वांनी याचा लाभ घ्यावा असे आवाहन लायन्स क्लब च्या माध्यमातून करण्यात आले आहे.