🛑कुडाळ तालुक्यातील धार्मिक स्थळांवर कायमस्वरूपी लावलेल्या भोंग्यावर कारवाई करावी.;आमदार निलेश राणे..

▪️आमदार निलेश राणे यांचे कुडाळ पोलिस निरीक्षक यांना पत्र..

✍🏼लोकसंवाद /- कुडाळ.

कुडाळ तालुक्यातील धार्मिक स्थळांवरह लावलेल्या कायमस्वरूपी अनधिकृत भोंग्यांवर कारवाई करण्यात यावी यासाठी कुडाळ – मालवण चे आमदार निलेश राणे यांनी कुडाळ पोलिस निरीक्षक यांना लेखी पत्र दिले आहे.यामद्धे त्यांनी असे म्हटले आहे की,कुडाळ तालुक्यातील धार्मिक स्थळांवर लावलेले अनधिकृत भोंगे आणि त्यावरून होणारे ध्वनीप्रदूषण हा कळीचा मुद्दा बनला आहे.न्यायालयाच्या निर्देशानुसार महाराष्ट्र सरकारने ध्वनीप्रदूषणा विषयी नियमावली निश्चित केली आहे.त्यामध्ये शांतता क्षेत्रात रात्री ४० तर दिवसा आवाजाची मर्यादा ५० डेसिबल इतकी असावी.निवासी क्षेत्रात आवाजाची मर्यादा रात्री ४५ तर दिवसा ५५ डेसिबलपर्यंत असावी. वाणिज्य क्षेत्रात हीच मर्यादा रात्री ५५ तर दिवसा ६५ डेसिबलपर्यंत आहे आणि औ‌द्योगिक क्षेत्रात आवाजाची मर्यादा रात्री ७० तर दिवसा ७५ डेसिबल इतकी आहे.

असे असले तरी धार्मिक स्थळांवर कायमस्वरुपी लावलेले भोंगे प्रत्यक्षात लावलेल्या ठिकाणी ही आवाजाची मर्यादा पाळत नाहीत.त्यामुळे असे भोंगे लावल्याने कायद्याचे उल्लंघन होत नाही मात्र त्यासाठी स्थानिक पोलीस ठाण्याची अनुमती घेऊन आणि वरील आवाजाच्या मर्यादित ते लावणे बंधनकारक आहे.

मात्र अजान देतांना त्याचे पालन होत नाही.तरी अनधिकृत भोंगे आणि त्यावरून होणारे ध्वनीप्रदूषण यासंदर्भात कुडाळ तालुक्यातील धार्मिक स्थळांवर कायमस्वरूपी लावलेल्या भोंग्यावर धडक कारवाई करावी असे म्हटले आहे.