🛑सावंतवाडीची जागा शरद पवार गटाच्या अर्चना घारेंनाच सोडणार? राजन तेलींच्या प्रवेशानंतर राष्ट्रवादीत खळबळ.

✍🏼लोकसंवाद /- सावंतवाडी.

राजन तेली यांच्या ठाकरे शिवसेना पक्ष प्रवेशानंतर सावंतवाडी विधानसभेची जागा ही शिवसेनेच्या वाटेला जाण्याची शक्यता आहे.मात्र या पार्श्वभूमीवर या जागेवर इच्छुक असलेल्या शरद पवार राष्ट्रवादीच्या कार्यकर्त्यात एकाच खळबळ उडाली आहे.की, काही झाले तरी ही जागा राष्ट्रवादी काँग्रेस शरद पवार गट लढणार आणि पक्ष आम्हाला ही जागा सोडेल, असा विश्वास आज सावंतवाडी येथील पत्रकार परिषदेत,राष्ट्रवादी काँग्रेस शरद पवार गट तालुका अध्यक्ष पुंडलिक दळवी यांनी व्यक्त केला.

दरम्यान महाविकास आघाडी झाली तरी पुढे काय होईल याबाबत आताच सांगत नाही. परंतु काही झाले तरी आमची बाजू जमेची आहे. तशा प्रकारचे संकेत खुद्द पक्षाध्यक्ष शरद पवार यांनी दिल्याचा दावा त्यांनी केला आहे. आज या ठिकाणी राष्ट्रवादीच्या प्रमुख पदाधिकाऱ्यांनी पत्रकार परिषद घेऊन ही जागा अर्चना घारे यांना सुटेल आणि त्यासाठी आम्ही आग्रही आहोत, अशी भूमिका मांडली.

यावेळी दोडामार्ग तालुकाध्यक्ष प्रदीप चांदेलकर, वेंगुर्ला तालुकाध्यक्ष योगेश कुबल, जिल्हा उपाध्यक्ष संदीप गवस, महिला तालुका अध्यक्ष वेंगुर्ला सौ. दीपिका राणे, दोडामार्ग महिला तालुकाध्यक्ष सौ. ममता नाईक, शहराध्यक्ष सावंतवाडी देवेंद्र टेमकर, शहराध्यक्ष दोडामार्ग सुदेश तुळसकर, तालुका सरचिटणीस, हिदायतुल्ला खान, युवती जिल्हाध्यक्ष सौ. सावली पाटकर, सोशल मीडिया जिल्हाध्यक्ष संजय भाईप, कृष्णा नाईक, सुधा सावंत, महिला शहराध्यक्ष एड. सायली दुभाषी, तालुका उपाध्यक्ष संतोष जोईल, युवक अध्यक्ष विधानसभा विवेक गवस, तालुका उपाध्यक्ष तौसीफ आगा, सोशल मीडिया तालुकाध्यक्ष नारायण आसोलकर, सूर्याजी नांगरे, दोडामार्ग तालुका उपाध्यक्ष विलास सावळ व महादेव देसाई, युवक अध्यक्ष दोडामार्ग गौतम महाले, साबाजी देसाई, सागर नाईक, अल्पसंख्यांक शहर सरचिटणीस रजब खान आदी उपस्थित होते.

श्री. दळवी म्हणाले, आम्ही पक्षाध्यक्ष शरद पवार यांची भेट घेतली त्याना सर्व माहिती दिली असून गेली पाच वर्षे अर्चना घारे-परब या सावंतवाडी मतदारसंघात काम करत आहेत असे असतना त्याचा उमेदवारी साठी विचार होणे गरजेचे आहे अन्यथा राष्ट्रवादी शरदचंद्र पवार गटच सावंतवाडीत विखुरलेला होईल आपली अवस्था पूर्वी सारखी होणार आहे असे आपण पवार यांना सांगितल्याचे दळवी यांनी सागितले.तीन ही तालुक्यात जाऊन आम्ही कार्यकर्ते पदाधिकारी यांच्याशी चर्चा करणार असून त्यानंतर आमची भुमिका जाहीर करू असे ही दळवी यावेळी म्हणाले.